00:00:00 IGIHE NETWORK KN KINYARWANDA EN ENGLISH FR FRANCAIS

Bimenyimana Caleb yerekeje muri Kaizer Chiefs yo muri Afurika y’Epfo

Yanditswe na Iradukunda Olivier
Kuya 18 August 2022 saa 05:24
Yasuwe :

Rutahizamu Bimenyimana Bonfils Caleb ukomoka i Burundi, wari umaze iminsi akorera imyitozo muri Rayon Sports, yasinye amasezerano y’imyaka ibiri ishobora kongerwaho umwe muri Kaizer Chiefs yo muri Afurika y’Epfo.

Umutoza wa Kaizer Chiefs Arthur Zwane yari amaze igihe ashimangiye ko ikipe ye igikeneye rutahizamu utandukanye, ushobora gufata icyemezo, ubasha kugumana umupira, byaba byiza akaba ari muto wabasha gukina mu mukino wihuta.

Mu igeragezwa Caleb yari yarakoreye mu Ikipe ya Kaizer Chiefs bikarangira adasinye, hari habayemo ikibazo cy’uko abayobozi bayo bamwishimiye, ariko umutoza Arthur Zwane akavuga ko ubushobozi bwe buri hasi y’ubwo yifuza.

Zwane amaze kubura uwo yifuzaga yahisemo guhindura ibitekerezo bye yemera ko Bimenyimana Caleb aza kumubera rutahizamu mushya.

Ubuyobozi bwa Kaizer Chiefs bubinyujije ku mbuga nkoranyambaga bwatangaje ko Bimenyimana Bonfils Caleb, yatsinze igeragezwa, bityo akaba yaremeye kugirana amasezerano nabo.

Uyu musore wimyaka 24, ku wa Mbere yagaragaye mu birori by’ikipe yahoze akinira ya Rayon Sports bizwi nka ’Rayon Sports Day’ benshi bakeka ko azakinira iyi kipe, nyamara umutoza w’iyi kipe Christian Francis Haringingo yavuze ko uyu rutahizamu atari mu ikipe azakoreshwa.

Bimenyimana Caleb yerekenywe nk’umukinnyi wa Kaizer Chiefs yo muri Afurika y’Epfo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .