00:00:00 IGIHE NETWORK KN KINYARWANDA EN ENGLISH FR FRANCAIS

Benjamin Mendy wa Manchester City yahanaguweho bimwe mu byaha by’ihohoterwa

Yanditswe na Iradukunda Olivier
Kuya 14 Mutarama 2023 saa 10:37
Yasuwe :

Benjamin Mendy, umukinnyi w’umupira w’amaguru ukinira Manchester City, yahanaguweho bimwe mu byaha bitandatu yashinjwaga bifitanye isano no gufata ku ngufu yakoze mu bihe bitandukanye.

Mendy usanzwe utuye mu gace ka Prestbury, yahamagajwe n’urukiko rw’i Stockport tariki ya 17 Ugushyingo 2021, aho yagombaga kwitaba akabazwa ku byaha byabereye iwe.

Uyu mukinnyi w’imyaka 28, yahise afungwa akurikiranyweho ibyo byaha uko ari bitandatu byo gufata ku ngufu n’ihohoterwa rishingiye ku gitsina. Ibyo yaziraga byari byarakorewe ku bakobwa harimo n’ab’imyaka 16, abikora hagati ya 2018 na 2021.

Mendy yabwiye ubushinjacyaha ko abagore bivugwa ko yahohoteye, babeshya ahubwo aribo bifuzaga kuryamana na we. Yahakanye kandi icyaha cyo kuba yarakoresheje undi imibonano mpuzabitsina ku gahato, byavugwaga ko byabereye iwe mu rugo.

Muri ibyo byaha byose, yahanaguweho ibyaha bine muri byo, gusa abamuburanira bakaba bagiye kongera imbaraga mu kuburana bibiri bisigaye, bagahanagura n’icyasha cyagiye ku izina rye.

Umwunganizi we mu mategeko yagize ati “Mendy yagizweho cyanee n’ingaruka za biriya byaha, igikenewe cyane ni ukongera kwisubiza izina rye ryiza, akanongera akarema bushya ubuzima bwe.”

Nyuma yo gushinjwa ibi byaha, yahagaritswe n’ikipe ye nyuma yo gutangira gukurikiranwa na polisi iri gukora iperereza. Ariko, ku wa Gatanu, iyi kipe yahise isohora itangazo vuba ritangaza amakuru meza kuri uyu mugabo, ariko nta byinshi barenzaho.

Rigira riti “Manchester City yamenye umwanzuro w’urukiko ruri i Chester, aho Mendy yasanzwe ari umwere ku byaha yaregwaga, hasigaye ibyaha bibiri gusa. Kuko hari byinshi birebana n’uru rubanza, ntabwo ikipe iri mu mwanya mwiza wo kugira ibindi itangaza.”

Undi mugabo uvugwa muri ibi birego ni uwitwa Louis Saha Matturie, bivugwa ko yabigizemo uruhare, na we hagati ya Werurwe 2021 na Kanama 2021.

Matturie w’imyaka 41, wari ukurikiranyweho kandi ibindi birego bine muri byo, na we yahanaguweho bitatu asigara ahangana no guhanagurwaho kimwe gisigaye.

Benjamin Mendy yahanaguweho bimwe mu byaha ashinjwa bifitanye isano n'ihohoterwa rishingiye ku gitsina
Mendy ukinira Manchester City, yari mu ikipe y'u Bufaransa yatwaye Igikombe cy'Isi mu 2018

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .