AS Kigali yerekeje muri Botswana mu mukino ubanza wa CAF Confederation Cup (Amafoto)

Yanditswe na Eric Tony Ukurikiyimfura
Kuya 24 Ugushyingo 2020 saa 05:44
Yasuwe :
0 0

AS Kigali ihagarariye u Rwanda mu irushanwa Nyafurika rya CAF Confederation Cup, yahagurutse ku Kibuga Mpuzamahanga cy’Indege cya Kigali mu ijoro ryakeye, aho yerekeje muri Botswana gukina na Orapa United mu mukino ubanza w’ijonjora rya mbere uzaba ku Cyumweru.

Iyi kipe iterwa inkunga n’Umujyi wa Kigali yahagurutse i Kanombe saa Saba n’iminota 45 yerekeza i Addis Ababa muri Ethiopia, aho iva yerekeza i Gaberone muri Botswana. Biteganyijwe ko ihasesekara saa Munani n’iminota 45 kuri uyu wa Kabiri.

Umutoza Eric Nshimiyimana yitabaje abakinnyi 20 batarimo myugariro wo hagati, Bishira Latif wavunitse ndetse na Ndekwe Félix ukina hagati asatira izamu, na we ufite imvune.

Ni ku nshuro ya kabiri yikurikiranya ikipe ya AS Kigali igiye guhagararira u Rwanda muri CAF Confederation Cup, ni nyuma y’uko Igikombe cy’Amahoro cya 2020 kitabaye kubera COVID-19, hemezwa ko iyi kipe yagitwaye mu 2019 yongera gusohoka.

Ubwo yitabiraga iyi mikino Nyafurika mu mwaka ushize, AS Kigali yasezerewe mu ijonjora rya kabiri itsinzwe na Proline FC yo muri Uganda ku bitego 3-2 mu mikino ibiri.

AS Kigali ifite intego yo gukina amatsinda uyu mwaka, isabwa gusezerera Orapa United bizahura mu mikino ibiri ndetse no kuba yazakuramo KCCA yo muri Uganda izahura n’ikipe izagera mu ijonjora rya kabiri mbere y’uko hakinwa ijonjora rya nyuma.

Abakinnyi 20 AS Kigali yajyanye muri Botswana: Ndayishimiye Eric ‘Bakame’, Bate Shamiru, Bayisenge Emery, Ntamuhanga Tumaine Tity, Ahoyikuye Jean Paul, Rurangwa Mossi, Karera Hassan.

Hari kandi Ishimwe Christian, Hakizimana Muhadjiri, Sudi Abdallah, Kayitaba Jean Bosco, Kalisa Rachid, Nsabimana Eric, Rusheshangoga Michel, Rugirayabo Hassan, Orotomal Alex, Shabani Hussein, Biramahire Abeddy, Kwizera Pierrot na Abubakar Lawal.

Abandi bajyanye n’ikipe: Nshimiyimana Eric (Umutoza mukuru), Mutarambirwa Djabil (Umutoza wungirije), Hategekimana Corneille (Umutoza wongerera ingufu abakinnyi), Higiro Thomas (Umutoza w’abanyezamu), Hakizimpfura Ayoubu (ushinzwe ibikoresho), Rugumaho Arsène (umuganga), Nsabimana Jean de Dieu (Umuganga).

Mukangoboka Christine (uhagarariye FERWAFA), Gasana Francis (Umunyamabanga Mukuru), Bayingana Innocent (Team Manager), Karemera Fabrice (ushinzwe umutekano w’ikipe), Umurerwa Delphin (umufotozi), Bayingana David (Umunyamakuru) na Kwizigira Jean Claude (Umunyamakuru).

Rusheshengoga Michel asohoka mu modoka ubwo AS Kigali yari igeze i Kanombe
Hakizimana Muhadjiri ni umwe mu bakinnyi bashya AS Kigali ifite
Bamwe babanje guhagarara barifotoza
Biramahire Abeddy yifotoza
Nsabimana Eric 'Zidane' ari mu bakinnyi bari muri AS Kigali yakinnye CAF Confederation Cup mu mwaka ushize
Ishimwe Christian na Rusheshangoga Michel bakina ku mpande
Ndayishimiye Eric 'Bakame' ahagarara kugira ngo abanze afotorwe
Umunyamabanga Mukuru wa AS Kigali, Gasana Francis na Mukangoboka Christine wagiye uhagarariye FERWAFA
Myugariro w'ibumoso, Ahoyikuye Jean Paul 'Mukonya' n'umunyezamu Bate Shamiru
Abakinnyi ba AS Kigali mu kibuga cy'indege cya Kigali

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .