AS Kigali yageze muri Botswana ikorera imyitozo ya mbere muri Gym (Amafoto)

Yanditswe na Eric Tony Ukurikiyimfura
Kuya 25 Ugushyingo 2020 saa 09:38
Yasuwe :
0 0

AS Kigali ihagarariye u Rwanda mu irushanwa Nyafurika rya CAF Confederation Cup, yakoze imyitozo ngororangingo muri Gym nyuma yo kugera muri Bostwana ku wa Kabiri.

Iyi kipe iterwa inkunga n’Umujyi wa Kigali yahagurutse mu Rwanda mu rukerera rwo ku wa Kabiri, aho yagiye gukina na Orapa United mu mukino ubanza w’ijonjora rya mbere uzaba ku Cyumweru.

AS Kigali yanyuze i Addis Ababa muri Ethiopia, ikahava yerekeza i Gaberone muri Botswana, yahageze hafi saa cyenda z’amanywa.

Ku mugoroba wo ku wa Kabiri, abakinnyi 20 umutoza Eric Nshimiyimana yitabaje, bakoze imyitozo ngororamubiri muri Gym mu rwego rwo kugabanya umunaniro w’urugendo.

AS Kigali yagiye idafite abakinnyi barimo myugariro wo hagati, Bishira Latif wavunitse ndetse na Ndekwe Félix ukina hagati asatira izamu, na we ufite imvune.

Ni ku nshuro ya kabiri yikurikiranya ikipe ya AS Kigali igiye guhagararira u Rwanda muri CAF Confederation Cup, ni nyuma y’uko Igikombe cy’Amahoro cya 2020 kitabaye kubera COVID-19, hemezwa ko iyi kipe yagitwaye mu 2019 yongera gusohoka.

Ubwo yitabiraga iyi mikino Nyafurika mu mwaka ushize, AS Kigali yasezerewe mu ijonjora rya kabiri itsinzwe na Proline FC yo muri Uganda ku bitego 3-2 mu mikino ibiri.

AS Kigali ifite intego yo gukina amatsinda uyu mwaka, isabwa gusezerera Orapa United bizahura mu mikino ibiri ndetse no kuba yazakuramo KCCA yo muri Uganda izahura n’ikipe izagera mu ijonjora rya kabiri mbere y’uko hakinwa ijonjora rya nyuma.

Abakinnyi 20 AS Kigali yajyanye muri Botswana: Ndayishimiye Eric ‘Bakame’, Bate Shamiru, Bayisenge Emery, Ntamuhanga Tumaine Tity, Ahoyikuye Jean Paul, Rurangwa Mossi, Karera Hassan.

Hari kandi Ishimwe Christian, Hakizimana Muhadjiri, Sudi Abdallah, Kayitaba Jean Bosco, Kalisa Rachid, Nsabimana Eric, Rusheshangoga Michel, Rugirayabo Hassan, Orotomal Alex, Shabani Hussein, Biramahire Abeddy, Kwizera Pierrot na Abubakar Lawal.

Abakinnyi ba AS Kigali ku kibuga cy'indege muri Botswana
Umutoza Nshimiyimana Eric asohoka mu modoka
Umunyezamu Bate Shamiru
Kwizera Pierrot amaze umwaka umwe muri AS Kigali nubwo atayikiniye kubera imvune
Biramahire Abeddy ahagaze mu muryango w'imodoka
Rusheshangoga Michel abanza kwifotoza ubwo yavaga mu modoka
AS Kigali yageze muri Botswana ahagana saa cyenda ku wa Kabiri
Rutahizamu Shabani Hussein 'Tchabalala' yerekeza muri hoteli ikipe icumbitsemo
Umutoza Nshimiyimana Eric
Umutoza w'abanyezamu, Higiro Thomas
Team Manager wa AS Kigali, Bayingana Innocent
Abakinnyi ba AS Kigali bakoze imyitozo ya mbere muri Gym
Orotomal Alex, Karera Hassan na Ishimwe Christian mu myitozo ngororamubiri
Myugariro w'ibumoso, Ahoyikuye Jean Paul 'Mukonya'
Myugariro Ishimwe Christian
Ishimwe Christian na Ahoyikuye muri Gym
Kapiteni wa AS Kigali, Ntamuhanga Tumaini Tity, aterura ibiremereye
Hakizimana Muhadjiri atera ibipfunsi mu myitozo yo muri Gym
Kwizera Pierrot ananura umugongo
Nsabimana Eric Zidane aterura ibiremereye
Myugariro Karera Hassan n'umunyezamu Bate Shamiru
Shaban Hussein 'Tchabalala'
Rutahizamu w'Umunya-Nigeria Abubakar Lawal
Hakizimana Muhadjiri, Biramahire Abeddy na Abubakar Lawal
Myugariro w'iburyo, Rugirayabo Hassan
Ishimwe Christian
AS Kigali iri kwitegura umukino uzayihuza na Orapa United ku Cyumweru
Hakizimana Muhadjiri akorana na Nsabimana Eric 'Zidane'
Abakinnyi babiri bakomoka mu Burundi; Shabani Hussein 'Tchabalala' na Kwizera Pierrot bifotoza
Tchababalala, Pierrot na Ishimwe Christian
Kayitaba Jean Bosco ari mu bakinnyi 20 ba AS Kigali bari muri Botswana

Amafoto: Umurerwa Delphin


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .