00:00:00 IGIHE NETWORK KN KINYARWANDA EN ENGLISH FR FRANCAIS

AS Kigali yageze muri ½ mu marushanwa yo gushaka itike ya CAF Women’s Champions League

Yanditswe na Iradukunda Olivier
Kuya 18 August 2022 saa 11:20
Yasuwe :

Ikipe ya AS Kigali Women Football Club yageze muri ½ mu marushanwa yo gushaka itike ya CAF Women’s Champions League nyuma yo gutsinda ikipe ya Warriors QFC yo muri Zanzibar ibitego 3-0.

Ni mu mukino wahurije aya makipe yombi mu gihugu cya Tanzaniya ahari kubera iyi mikino yose, ku mugoroba wo kuri uyu wa Kane tariki ya 18 Kanama 2022 ku kibuga cya Azam Complex.

AS Kigali ibonye itike imaze gutsinda imikino yayo ibiri ibanza. Umukino wa mbere yari yawutsinze ikipe ya Fofila PF yo mu Burundi ibitego 2-1.

Ni mu mikino ya CECAFA yo gushaka itike yo kuzitabira Imikino Mpuzamahanga Ihuzama Amakipe Yitwaye Neza Iwayo (CAF Women’s Champions League) izabera muri Maroc.

Ibitego byose bya AS Kigali bimaze gutsindwa n’umukinnyi umwe ariwe Usanase Zawadi. Kuri uyu munsi yatsinze ibitego bitatu byose byabonetse mu mukino wenyine.

Ikipe ya AS Kigali Women Football Club isigaje umukino umwe mw’itsinda uzayihuza n’ikipe ya Commercial Bank of Ethiopia yo muri Ethiopia kuri uyu wa Gatandatu tariki ya 20 Kanama 2022, kuri National Stadium.

Ikipe ya AS Kigali WFC yageze muri kimwe cya kabiri mu marushanwa ari kubera Tanzania
Warriors QFC yatsinzwe na AS Kigali ibitego 3-0
Usanase zawadi yatsindiye AS Kigali ibitego bitatu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .