AS Kigali iri ku gitutu ikomeje kwitegura Kiyovu Sports (Amafoto)

Yanditswe na Eric Tony Ukurikiyimfura
Kuya 21 Ugushyingo 2019 saa 10:00
Yasuwe :
0 0

AS Kigali itarahiriwe n’intangiriro z’uyu mwaka w’imikino ikomeje imyitozo yo kwitegura umukino w’umunsi wa cyenda wa Shampiyona izakiramo Kiyovu Sports ku wa Gatandatu tariki ya 23 Ugushingo kuri Stade ya Kigali i Nyamirambo.

Ikipe y’Umujyi wa Kigali iri ku mwanya wa 14 n’amanota arindwi gusa mu mikino umunani imaze gukina mu gihe Kiyovu Sports iri ku mwanya wa gatanu n’amanota 15.

AS Kigali yaranzwe n’umusaruro udashimishije nyamara yaraguze abakinnyi benshi bakomeye mu ntangiriro z’uyu mwaka w’imikino, ikomeje imyitozo yitegura uyu mukino izakira.

Umutoza Nshimiyimana Eric yongeye kwakira abakinnyi batatu, umunyezamu, Ndayishimiye Eric ‘Bakame’, kapiteni w’ikipe Niyonzima Haruna na Nsabimana Eric ‘Zidane’ bari mu ikipe y’igihugu ‘Amavubi’ yakinnye na Mozambique na Cameroun mu cyumweru gishize.

Kwizera Pierrot waguzwe afite imvune, na we ari gukorana n’abandi mu gihe byitezwe ko azatangira gukinira ikipe y’Abanyamujyi mu minsi iri imbere, aho biteganyijwe ko azagaruka mu kibuga mu kwezi gutaha.

AS Kigali imaze iminsi ivugwamo ibibazo byinshi byanatumye abari abayobozi bayo bakuru basezererwa, hashyirwaho abashya.

Mu nama yabaye mu cyumweru gishize igahuza ubuyobozi bushya n’abakinnyi, hagaragajwe ko kimwe mu bituma iyi kipe ititwara neza harimo kuba abakinnyi bari bamaze amezi abiri badahembwa.

AS Kigali yamaze guhemba abakinnyi ndetse basabwe gutsinda umukino wa Kiyovu Sports ku wa Gatandatu kugira ngo bave mu myanya ya nyuma ku rutonde rutonde rwa Shampiyona.

Uko amakipe azahura ku munsi wa cyenda wa Shampiyona

Ku wa Kane tariki ya 21 Ugushyingo 2019

  • Gasogi United vs Musanze FC (Stade de Kigali, 15h00)

Ku wa Gatanu tariki ya 22 Ugushyingo 2019

  • Sunrise FC vs Heroes FC (Nyagatare Stadium, 15h00)
  • APR FC vs Espoir FC (Stade de Kigali, 15h00)

Ku wa Gatandatu tariki ya 23 Ugushyingo 2019

  • Marines FC vs AS Muhanga (Umuganda Stadium, 15h00)
  • AS Kigali vs Kiyovu Sports (Stade de Kigali, 15h00)

Ku Cyumweru tariki ya 24 Ugushyingo 2019

  • Gicumbi FC vs Rayon Sports FC (Stade de Kigali, 15h00)
  • Bugesera FC vs Mukura VS (Stade Bugesera, 15h00)
  • Etincelles FC vs Police FC (Stade Umuganda, 15h00)

Abakinnyi batemerwe gukina umunsi cyenda wa Shampiyona

  1. Alain Bruno Abehanga (Gicumbi FC)
  2. Harerimana Obed (Musanze FC)
  3. Uwimana Emmanuel (Musanze FC)
  4. Ndizeye Innocent (Mukura VS)
Ishimwe Christian amena amazi yari mu icupa ubwo AS Kigali yari mu myitozo kuri uyu wa Gatatu
Ndayishimiye Eric 'Bakame' yagarutse mu myitozo ya AS Kigali nyuma yo kuva mu ikipe y'Igihugu
Kwizera Pierrrot utarakira imvune na we akomeje gukorana n'abandi
Karera Hassan atera umupira n'umutwe mu gihe Nshimiyimana Marc Govin yari ategereje kuwufata
AS Kigali iri kwitegura kwakira Kiyovu Sports ku wa Gatandatu
Kwizera Pierrot afunga umupira mu myitozo ya AS Kigali yabaye kuri uyu wa Gatatu
Bishira Latif akina umupira ubwo Kalisa Rachid yari amuri inyuma
Rick Martel ushoreye umupira asatiriwe na Benedata Janvier
Myugariro w'iburyo Rusheshangoga Michel mu myitozo yo kuri uyu wa Gatatu
Ishimwe Christian afunga umupira wari utanzwe na Marc-Govin
Ishimwe agerageza gucenga
AS Kigali ikurikiwe n'amakipe abiri gusa ku rutonde rwa Shampiyona
Kapiteni wa AS Kigali Niyonzima Haruna na we yari mu bakinnyi bari mu Mavubi
Nshimiyimana Ibrahim aserebeka Songayingabo Shaffy witeguraga gutera umupira
Nsabimana Eric asatiriwe na Mahoro Nicolas
Nsabimana Eric 'Zidane' asoma ku mazi mu gihe Rusheshangoga Michel yaganiraga na Niyonzima
Ba myugariro Bishira Latif na Nshimiyimana Marc-Govin mu myitozo yo kuri uyu wa Gatatu
Niyonzma Harruna ashaka gucenga Kalisa Rachid washakaga kumwambura umupira
Myugariro Nshimiyimana Marc Govin asoma ku mazi

Amafoto: Umurerwa Delphin


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza