AS Kigali igiye gukina imikino ibiri ya gicuti n’amakipe yo muri RDC

Yanditswe na Eric Tony Ukurikiyimfura
Kuya 28 Ukuboza 2019 saa 10:00
Yasuwe :
0 0

AS Kigali iri kubarizwa i Rubavu, igiye gukina imikino ibiri ya gicuti n’amakipe yo muri Repubulika Iharanira Demokarasi ya Congo mu rwego rwo kwitegura imikino yo kwishyura ya Shampiyona izatangira mu cyumweru gitaha.

Ikipe y’Umujyi wa Kigali ntiyahiriwe n’igice kibanza cya Shampiyona, yasoje iri ku mwanya wa 11 n’amanota 17, itsinda imikino itatu gusa muri 15 yakinnye mu gihe yanganyije inshuro umunani.

Mu rwego rwo kwitegura imikino yo kwishyura izatangira mu mpera z’icyumweru gitaha, iyi kipe igiye gukina imikino ibiri ya gicuti n’amakipe yo muri Repubulika ya Demokarasi ya Congo.

Umukino wa mbere uraba kuri uyu wa Gatandatu, uyihuze na Virunga FC saa 13:00 mu gihe ejo ku Cyumweru izahura na AS Dauphins Noirs saa 15:30 kuri Stade Umuganda.

AS Kigali izasubukura Shampiyona yakirwa na APR FC mu mukino w’umunsi wa 16 uzabimburira iyindi yo kwishura, uzaba ku wa Gatandatu w’icyumweru gitaha, tariki ya 4 Mutama 2020 kuri Stade ya Kigali i Nyamirambo.

Bivugwa ko ikipe y’Umujyi wa Kigali izongeramo Kayitaba Jean Bosco na Ndekwe Félix ba Gasogi United, bamaze kurekurwa n’iyi kipe yazamutse mu cyiciro cya mbere muri uyu mwaka w’imikino.

Byitezwe ko kandi Kwizera Pierrot utaratangira kuyikinira kubera imvune ashobora kugaruka mu mikino yo kwishyura mu gihe iyi kipe yanahaye ubutumire Umunya-Nigeria, Orotomal Alex kugira ngo irebe urwego ariho, imusinyishe.

AS Kigali irakina imikino ibiri ya gicuti n'amakipe yo muri RDC mu mpera z'iki cyumweru

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .