00:00:00 IGIHE NETWORK KN KINYARWANDA EN ENGLISH FR FRANCAIS

APR FC na AS Kigali zaguye miswi mu mukino ubishye (Amafoto)

Yanditswe na Iradukunda Olivier
Kuya 8 Ukuboza 2022 saa 10:14
Yasuwe :

APR FC yanganyije na AS Kigali 0-0 mu mukino w’ikirarane amakipe yombi yari asigaje, bituma akomeza gukurikirana ku rutonde rwa Shampiyona. Uyu wari umukino w’ikirarane utarakinwe kubera ko aya makipe yombi yari mu mikino Nyafurika.

Umukino watangiye amakipe yombi akinira umupira hagati mu kibuga ariko APR FC niyo yinjiye mu mukino mbere ya AS Kigali ndetse inagera imbere y’izamu bwa mbere.

Iminota 10 ya mbere y’umukino amakipe yombi yakinaga asa n’aho ari kwigana, ku buryo byagoranaga ko umupira uva hagati mu kibuga ukajya byibuze imbere y’izamu.

Nyuma y’iyi minota APR FC yinjiye mu mikino ahanini ibikesha uruhande rwanyuragaho Byiringiro Lague wacengaga ahereza Ishimwe Anicet na we agacenga. Ibi byatumye haboneka amakosa menshi mu kibuga cya AS Kigali.

Uku gukinira mu kibuga cya AS Kigali byatumaga Kapiteni wayo Bishira Latif akora amakosa, yoshoboraga gutuma Mugunga Yves ashobora kubaca mu rihumye agatsinda igitego.

APR FC icyinjira mu mukino AS Kigali yatangiye gukina inyuza imipira hejuru kandi yihuta igana ku mazamu. Ntacyo Hussein Tshabalala yayikozaga kuko Buregeya Prince na Niyigena Clément bari bahagaze neza.

Igice cya mbere cyarangiye amakipe yombi nta n’imwe irebye mu izamu ry’indi. Ntabwo byatinze amakipe yombi ahita agaruka mu gice kabiri.

APR FC yagarutse ariyo iri hejuru. Yabonye n’uburyo Byiringiro Lague wacenze umuzamu Ntwali Fiacre ariko yiha muremure, agiye kuwugarura asanga abakinnyi bose bahageze.

Yasubije inyuma ahereza Mugisha Bonheur wateye ishoti rikomeye ariko Ntwali arongera awukuramo, awushyira hanze y’izamu batera koruneri itagize icyo ivamo.

AS Kigali yari yarushijwe hagati mu kibuga yakoze impinduka. Umutoza Casa Mbungo André yakuye mu kibuga Kalisa Rashid ashyiramo Haruna Niyonzima, kugira ngo yongeremo imbaraga.

Izi ni impinduka zitari kugira kinini zongera ku mikinire ya AS Kigali kuko yasimbuje umwanya ku mwanya. Nta buryohe bwigeze bugaraga buganisha ku gitego.

APR FC na yo yakoze impinduka ikura mu kibuga Mugunga Yves wari wananiwe bigaragara na Ishimwe Anicet ishyiramo Nshuti Innocent na Manishimwe Djabel. Aba bakijyamo haciyeho iminota mike akuramo na Niyibizi Ramadhan ashyiramo Mugisha Gilbert.

Nubwo Ben Mussa yakoze impinduka ntabwo byigeze bigira icyo bimwongerera mu mukino. Ahubwo mu minota 10 ya nyuma AS Kigali niyo yatangiye kohereza imipira imbere.

AS Kigali ibonye ko yatangiye kugera imbere y’izamu nayo yakuye mu kibuga Kakule Mugheni Fabrice ishyiramo Jacques Tuyisenge. Uyu yagombaga kugira icyo yongera mu busatirizi ariko ntibyamukundira.

Ku munota wa 91 APR FC yasatiriye cyane bigaragara, bituma ba myugariro ba AS Kigali bakora amakosa menshi. Ibi byaje no kubyara amahirwe ku mupira watewe na Mugisha Gilbert ariko Ntwali Fiacre arazamuka awukuramo.

Ubu buryo nibwo bwasoje igice cya kabiri cy’uyu mukino. Amakipe yombi yakirangije anganya 0-0 bikomeza kugorana ku rutonde rusange rwa Shampiyona y’u Rwanda.

Ikipe ya APR FC ni umukino wa Kane ikinnye inganya, ukaba n’umukino wa Gatatu itinjiza igitego mu izamu. Ibi birayishyiraho igitutu ku rugendo rwo guhatanira igikombe.

Kugeza ubu APR FC iri ku mwanya wa Gatatu n’amanota 22, ikarushwa na AS Kigali amanota atatu. Ibi biraha amahirwe Rayon Sports yo gukomeza kuzanikira mu manota.

Umukino ukurikira APR FC izajya gukina na Rutsiro FC tariki ya 11 Ukuboza 2022, naho AS Kigali kuri iyi tariki yakire Espoir FC.

AS Kigali 0-0 APR FC

Abakinnyi 11 babanjemo ku ruhande rwa APR FC
Abakinnyi 11 babanjemo ku ruhande rwa AS Kigali
Wari umukino w'imbaraga
Ruboneka Jean Bosco ukina hagati ha APR FC yahaye akazi gakomeye abakinnyi ba AS Kigali
Rutahizanm, Byiringiro Lague agundagurana na Niyonzima Olivier Seifu ukinahagati ha AS Kigali bahoze banakinana muri APR FC
Niyonzima Olivier Seifu yihanagirijwe kenshi n'umusifuzi Twagirumukiza Abdoul Karim
Umusifuzi mpuzamahanga Twagirumukiza Abdul Karim aha amabwiriza abakinnyi ba AS Kigali uburyo bahagarara ku murongo
Uretse ubwitabire ku bafana ba APR FC n'imifanire yari iri hasi nyuma 'uko bamaze imikino ine nta ntsinzi
Umwe mu bafana ba APR FC asaba igitego abakinnyi b'ikipe ye
Abafana ba AS Kigali baherutse gutsinda Kiyovu Sports 4-2 bari bafite icyizere cyo kwitwara neza no kuri APR FC
Umutoza wa APR FC Ben Moussa asaba ibisobanuro umusifuzi Twagirumukiza Abdoul ku byemezo bimwe na bimwe batahurijeho
Cassa Mbungo yakomeje kwinubira imisifurire ndetse anabyereka umusifuzi Twagirumukiza Abdul Karim
Umutoza wa AS Kigali, Cassa Mbungo Andre arebana umusifuzi Twagirumukiza Abdoul batagiye bahuza kenshi ku makosa yakoreraga AS Kigali
Mugisha Bonheur wa APR FC ahanganye na Haruna Niyonzima wa AS Kigali bombi bakina hagati
Umusifuzi mpuzamahanga Twagirumukiza Abdul Karim asaba myugariro w'ibumoso wa APR FC, Niyomugabo Claude gukinira neza Rugirayabo Hassan wa AS Kigali
Umutoza wa APR FC Ben Moussa yinubira icyemezo cy'umusifuzi Twagirumukiza Abdoul
Abatoza bari bari ku gitutu
Kapiteni wqa AS Kigali, Haruna Niyonzima atanga umupira kuri bageni be
Rutahizamu wa APR FC Byiringiro Lague yananiwe kugenzura umupira umurusha imbaraga uramurengana
Ishimwe Annicet ukina hagati ha APR FC agerageza guca hagati y'abakinni babiri ba AS Kigali
Umunyezamu wa AS Kigali Ntwari Fiacre agenzura umupira

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .