Wari umukino wa mbere ku ikipe y’Ingabo iheruka gusezererwa na Gor Mahia muri CAF Champions League, mu gihe Kiyovu Sports yatsinze Mukura Victory Sports mbere yo gutsindwa na Marines FC.

APR FC ni yo yabonye uburyo bwa mbere bukomeye bwabonetse mu minota ya mbere, ariko amashoti abiri yageragejwe na Manishimwe Djabel n’irindi ryatewe na Byiringiro Lague, ntiyerekeza mu izamu.

Ku munota wa 31, Babuwa Samson yashoboraga gutsindira Kiyovu Sports ku ishoti rikomeye yateye, ariko umunyezamu Ahishakiye Héritier arikuramo. Aya mahirwe yakurikiwe n’irindi shoti rya Saba Robert, naryo rifatwa na Ahishakiye.

APR FC yari yakomeje kubona uburyo bwinshi, yabonye igitego ku munota wa 36, ku mupira Mutsinzi Ange yahinduye mu rubuga rw’amahina, ushyirwa mu izamu na Serumogo Ally witsinze.

Ikipe y’Ingabo yashoboraga gutsinda igitego cya kabiri mbere y’uko amakipe yombi ajya kuruhuka, ariko Byiringiro Lague ahusha penaliti yakuwemo na Kimenyi Yves nyuma y’ikosa ryakorewe kuri Niyonzima Olivier ‘Seif’.

Ku munota wa 61, Babuwa Samson yahinduye umupira mwiza imbere y’izamu, Imanishimwe Emmanuel awushyira muri koruneri mbere y’uko Dusingizimana Gilbert atera ishoti rikomeye ryakuwemo n’umunyezamu Ahishakiye Héritier.

Kimenyi Yves yarokoye ikipe ye mu minota ya 80, akuramo ishoti rikomeye ryatewe na Ruboneka Jean Bosco ku mupira yari ahawe na Bizimana Yannick.

Mu minota y’inyongera, Habamahoro Vincent yahawe ikarita itukura ku ikosa yakoreye Manzi Thierry agahabwa ikarita ya kabiri y’umuhondo.

I Rubavu, Marines FC yakomeje kuyobora urutonde rwa shampiyona n’amanota arindwi, nyuma yo kunganya na Sunrise FC igitego 1-1.

Abakinnyi babanje mu kibuga ku mpande zombi:

APR FC: Ahishakiye Héritier, Omborenga Fitina, Imanishimwe Emmanuel, Mutsinzi Ange, Manzi Thierry (c), Niyonzima Olivier ’Seif’, Ruboneka Jean Bosco, Nizeyimana Djuma, Byiringiro Lague, Manishimwe Djabel na Tuyisenge Jacques.

Kiyovu Sports: Kimenyi Yves (c), Serumogo Ally Omar, Dusingizimana Gilbert, Irambona Eric, Ngando Omar, Mbogo Ally, Habamahoro Vincent, Bigirimana Abedi, Babuwa Samson, Mugenzi Cédric na Saba Robert.

Uko amakipe yatsindanye ku munsi wa gatatu wa Shampiyona

Ku wa Kane tariki ya 10 Ukuboza 2020

• Espoir FC vs Rayon Sports FC (Warasubitswe)
• Etincelles FC 1-2 Musanze FC
• Bugesera FC 1-3 Police FC
• Rutsiro FC vs Gasogi United (Warasubitswe)
• AS Muhanga 0-0 Gorilla FC
• AS Kigali 2-0 Mukura VS&L

Ku wa Gatanu tariki ya 11 Ukuboza 2020

• APR FC 1-0 SC Kiyovu
• Marine FC 1-1 Sunrise FC

Abakinnyi ba Kiyovu Sports babanje mu kibuga

Ababanjemo ku ruhande rwa APR FC

Umunyezamu Kimenyi Yves atera imbere umupira

Ngando Omar azibira Tuyisenge Jacques

Dusingizimana Gilbert yambura umupira Nizeyimana Djuma

Saba Robert yinjirana ba myugariro ba APR FC barimo kapiteni Manzi Thierry na Imanishimwe Emmanuel

Umunyezamu Ahishakiye Heritier yitwaye neza muri uyu mukino

Mugenzi Cedric acenga Imanishimwe Emmanuel 'Mangwende'

Manzi Thierry atera umupira n'umutwe nyuma yo gusumba Bigirimana Abedi

Saba Robert aterana umupira Mutsinzi Ange

Kimenyi Yves yakuyemo penaliti yatewe na Byiringiro Lague

Mukunzi Yannick ukina muri Suède yarebye uyu mukino

Umunyamabanga Mukuru wa Kiyovu Sports, Munyangabe Omar

Perezida wa Kiyovu Sports, Mvukiyehe Juvénal, areba uko ikipe ye yitwara

Visi Perezida wa APR FC, Maj Gen Mubaraka Muganga, na we yari kuri uyu mukino

Karekezi Olivier utoza Kiyovu Sports, yahuraga na APR FC yakiniye

Irambona Eric ahanganiye umupira na Ruboneka Jean Bosco

Umutoza wa APR FC, Adil Mohamed Erradi, yitegereza uko ikipe ye iri gukina

Ruzindana Nsoro ni we wasifuye uyu mukino wari wabanje guhabwa Twagirumukiza Abdul Karim

Tuyisenge Jacques yavuye mu kibuga asimbuwe

Tuyisenge akomera amashyi abayobozi bari mu myanya y'icyubahiro

Saba Robert ahanganiye umupira na Omborenga Fitina

Babuwa Samson agerageza gutwara umupira Byiringiro Lague

Mutsinzi Ange mu kirere, atera umupira n'umutwe

Habamahoro Vincent yahawe ikarita itukura mu minota y'inyongera

Amafoto: Uwihanganye Hardi