Gen Mubarakh Muganga usanzwe ari umuyobozi w’icyubahiro w’iyi kipe yayisuye ubwo yari isoje imyitozo, ayisaba kwitwara neza ku mukino wa Pyramids nk’uko bisanzwe, ikintu ngo cyongereye imbaraga iyi kipe nk’uko umutoza wayo Darko Novic yabitangaje.

Yagize ati “Ni byiza gusurwa n’abayobozi nk’aba kuko biba bagaragaza ko ushyigikiwe kuva hejuru. Byaduhaye izindi mbaraga zo kwitwara neza ku mukino wa Pyramids.”

APR FC ikaba yakoze imyitozo ifite abakinnyi bayo bose barimo Mamadou Sy wari kumwe n’ikipe ya Mauritania yatsinze umukino umwe muri ibiri yo gushaka itike yo kujya mu gikombe cya Afurika, ari na ko byagenze kuri Pavelh Ndzila na Congo Brazzaville arindira izamu.

Iyi kipe ngo ikaba yizeye gusezerera ikipe ya Pyramids yo mu Misiri kuko amayeri y’amakipe yo mu barabu yose bayamenye nk’uko Kapiteni wa APR FC Niyomugabo Claude yaje kubitangaza.

Ati “Kuri ubu umupira wabaye umwe, nta kintu na kimwe abantu bakibeshyeshya. Amakipe yo mu Barabu hari uburyo yagiraga amayeri haba mu kibuga ndetse no hanze ariko byose twarabimenye ndetse twiteguye kwitwara neza ku mukino tuzahuriramo.”

APR FC na Pyramids zizahurira kuri Stade Amahoro kuri uyu wa Gatandatu tariki ya 14 Nzeri 2024 saa Kumi n’Ebyiri z’umugoroba.

Iyi kipe yo mu Misiri ikaba yaraye igeze mu Rwanda ndetse yakoreye imyitozo ya mbere i Kigali yabereye ku kibuga cyo hanze cya Stade Amahoro.

Abakunzi ba APR FC bari baje ku bwinshi gukurikirana imyitozo y'ikipe yabo

Nyuma y'imyitozo abakinnyi ba APR FC bagiye mu mazi ya barafu ngo bongere babe bashya

Aliou Souane aracyategereje amahirwe ye yo kubanzamo mu ikipe y'Ingabo z'Igihugu

Gen Mubarakh Muganga yagiranye ikiganiro n'umutoza Darko Novic

Umuyobozi w'Icyubahiro wa APR FC yaganirije abakinnyi ubwo bari bashoje imyitozo

Gen Mubarakh Muganga yaje kureba abakinnyi ari kumwe n'Umuhuzabikorwa w'abakunzi ba APR FC, Rtd. Col. Kabagambe

Chairman wa APR FC Rtd Col. Richard Karasira na we yari ku myitozo ibanziriza iya nyuma y'ikipe

Abatoza ba APR FC basoje imyitozo bategereza impanuro z'abakuru

Ruboneka Bosco utarabonye umwanya munini wo gukina mu ikipe y'igihugu ni umwe mu bitezwe kuri uyu wa Gatandatu

Vuvuzela ngo zizaba zihari ku bwinshi ku mukino wa Pyramids

Richmond Lamptey yizeye gukora agashya ku mukino wa Pyramids

Abakinnyi ba APR FC bitoje ibintu bitandukanye byatuma bitwara neza ku mukino wo ku wa Gatandatu

Victor Mbaoma ashobora kubanzamo ku mukino wa Pyramids

Yunusu wari wahamagawe mu Amavubi ni undi mukinnyi uzaba ubanzamo kuri Pyramids

Muzungu agerageza kwitoza uko azaba atsinda abarabu

Dauda Yassif ni we uhanzwe amaso kurusha abandi kuri uyu wa Gatandatu

Umunyezamu Pavelh Ndzila agerageza guhagarika umupira yari atewe na Gilbert

Ir Taddeo Lwanga ngo abakunzi ba APR FC bazishima

Frodouard Mugiraneza yiteguye kwigaragaza mu gihe yahabwa amahirwe

Kwitonda Alain Bacca yari yitwaye neza ubwo aya makipe yombi yahuriraga i Kigali umwaka ushize

Nshuti Innocent uheruka mu Amavubi yaje gusura bagenzi be bahoze bakinana abifuriza amahirwe masa

Amafoto: Kwizera Herve.

Video: Inshungu Spes