00:00:00 IGIHE NETWORK KN KINYARWANDA EN ENGLISH FR FRANCAIS

APR FC yakuye amanota atatu i Rusizi

Yanditswe na Mihigo Saddam
Kuya 7 May 2022 saa 07:21
Yasuwe :

APR FC yakuye amanota atatu mu Karere ka Rusizi itsinze Espoir FC ibitego 3-2 mu mukino w’umunsi wa 26 wa Shampiyona wakinwaga kuri uyu wa Gatandatu.

APR FC isanzwe iyoboye urutonde, yatsindiwe na Nshuti Innocent wabonye ibitego bibiri ku munota wa 51 na 79 ikindi gitego cyanafunguye amazamu cyatsinzwe na Nizeyimana Djuma ku munota wa 11.

Ibitego bibiri bya Espoir FC byatsinzwe na Thaibu Mbonyumwami ku munota wa 38 na 90.

Iyi kipe y’Ingabo z’Igihugu ikomeje kuyobora urutonde n’amanota 60 mu mikino 26 imaze gukina. Umukino w’umunsi wa 27, APR FC izahura na Kiyovu SC.

Kiyovu SC ya kabiri, kuri iki Cyumweru izakira Bugesera FC kuri Stade ya Kigali. Kiyovu ifite amanota 56 mu mikino 25.

Ku mukino wahuje ikipe ya APR FC na Espoir FC, Umutoza wa APR FC, Mohammed Erradi Mohammed, yari yafashe icyemezo cyo kuruhutsa bamwe mu bakinnyi bakomeye.

Barimo nka Ombolenga Fitina, Ruboneka Bosco na Buregeya Prince mu kwitegura umukino ikipe ye izakina na Rayon Sports kuri uyu wa Gatatu.

APR FC izahura na Rayon Sports kuwa Gatatu tariki 11 Gicurasi 2022 mu mukino ubanza wa ½ mu gikombe cy’Amahoro.

Abakinnyi barimo Nshuti Innocent, Nizeyimana Djuma, Nshimiyimana Yunus na Nsengiyumva Irshad bari bahawe amahirwe yo kujya mu bakinnyi 11 ba APR FC.

Espoir FC ni imwe mu makipe akina nta gitutu kuko umwanya wa munani uyiha amahwemo ko itazamanuka mu cyiciro cya kabiri.

Indi mikino y’umunsi wa 26 yakinwe kuri uyu wa Gatandatu harimo uwa AS Kigali yanganyije na Mukura VS ibitego 2-2, Etincelles FC itsinda Musanze FC igitego 1-0.

Rayon Sports yanganyije na Gicumbi FC ibitego 2-2, Gorilla FC inganya na Rutsiro FC 0-0.

Kuri iki Cyumweru Kiyovu SC izakira Bugesera FC saa 12:30 kuri Stade ya Kigali mbere y’uko Gasogi United yakira Police FC saa 15:00. Etoile de l’Est izakira Marines FC i Ngoma guhera saa Cyenda.

APR FC ifite urundi rugamba rwo guhura na Rayon Sports na Kiyovu SC mu Cyumweru kimwe

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .