APR FC yakoze imyitozo ya nyuma, Adil yizeza abafana gusezerera Gor Mahia (Amafoto)

Yanditswe na Eric Tony Ukurikiyimfura
Kuya 4 Ukuboza 2020 saa 11:53
Yasuwe :
0 0

Kuri uyu wa Gatanu, APR FC yakoreye imyitozo ya nyuma kuri Nyayo Stadium izakiniraho na Gor Mahia ku wa Gatandatu mu mukino wo kwishyura w’ijonjora rya mbere rya CAF Champions League.

APR FC yatsinze umukino ubanza wabereye i Kigali mu cyumweru gishize ku bitego 2-1.

Imyitozo ya nyuma ya APR FC i Nairobi, yatangiye saa Kumi z’umugoroba (saa Cyenda za Kigali) yaranzwe n’iyongera ingufu mbere yo gukora ku mupira byoroheje umukinnyi ku giti cye, nyuma abakinnyi bigabanya mu makipe abiri bakinira hamwe.

Umutoza wa APR FC, Adil Mohammed Erradi, yavuze ko intego imwe yabajyanye muri Kenya, ari ugukora uko bashoboye bagakomeza mu ijonjora rya kabiri.

Ati “Turi hano kubera bo, turi hano ku bw’umuryango mugari wa APR ntabwo twabyirengagiza tuzatanga byose tubahe itike yo gukomeza. Ndongera no gushimira umuryango mugari wose wa APR FC cyane cyane abayobozi ku byo bakorera ikipe ndetse n’abakinnyi.”

Umukino wa Gor Mahia na APR FC uzabera kuri Nyayo Stadium guhera saa Cyenda z’i Kigali, uzaba mu muhezo mu gihe uzerekanwa kuri KBC.

Ikipe izakomeza hagati ya APR FC na Gor Mahia FC, izahura n’izaba yakomeje hagati ya CR Belouizdad yo muri Algérie na El Nasr yo muri Libya, mu ijonjora rya kabiri ribanziriza amatsinda ya Champions League.

APR FC yakoreye imyitozo ya nyuma kuri Nyayo Stadium izakiniraho
Niyomugabo Claude acika Imanishimwe Emmanuel mu myitozo
Itangishaka Blaise ashaka uko acenga Mutsinzi Ange
Myugariro w'ibumoso, Imanishimwe Emmanuel, mu bashobora kubanza mu kibuga
Kapiteni wa APR FC, Manzi Thierry, atera umupira
Tuyisenge Jacques mu myitozo yo kuri uyu wa Gatanu
Omborenga Fitina ukina inyuma ku ruhande rw'iburyo
Niyomugabo Claude, Byiringiro Lague, Manishimwe Djabel na Nsanzimfura Keddy
Umutoza wa APR FC, Adil Mohamed Erradi, yitegereza uko abakinnyi be bitoza
Umunyezamu Rwabugiri Umar mu myitozo
Abatoza ba APR FC baganira n'abakinnyi
Nyayo Stadium izaberaho umukino wa Gor Mahia na APR FC ku wa Gatandatu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .