00:00:00 IGIHE NETWORK KN KINYARWANDA EN ENGLISH FR FRANCAIS

APR FC mu makipe 10 azakina CECAFA Kagame Cup ya 2021

Yanditswe na Eric Tony Ukurikiyimfura
Kuya 23 Nyakanga 2021 saa 07:19
Yasuwe :
0 0

Impuzamashyirahamwe y’Umupira w’Amaguru muri Afurika y’Uburasirazuba n’iyo Hagati (CECAFA), yatangaje ko APR FC iri mu makipe yemeje ko azitabira CECAFA Kagame Cup izabera i Dar Es Salaam muri Tanzania hagati ya tariki ya 1 n’iya 15 Kanama 2021.

CECAFA Kagame Cup igiye kongera kuba mu gihe mu 2020 itabaye kubera icyorezo cya COVID-19.

Ubuyobozi bw’Impuzamashyirahamwe yo mu Karere ka Afurika y’Uburasirazuba no Hagati bwatangaje ko tombola y’uburyo amakipe azahura izaba tariki ta 27 Nyakanga naho irushanwa rikaba hagati ya tariki ya 1 n’iya 15 Kanama 2021.

Bwatangaje kandi ko amakipe 10 ari yo azitabira iri rushanwa muri Tanzania, arimo Big Bullets yo muri Malawi, izarikina nk’umutumirwa.

APR FC yegukanye igikombe cya Shampiyona y’u Rwanda ku nshuro ya kabiri idatsinzwe, ni imwe mu makipe byemejwe ko azitabira iri rushanwa.

Ubwo iyi kipe y’Ingabo yaherukaga gukina CECAFA Kagame Cup yabereye mu Rwanda mu 2019, yasezerewe na AS Maniema yo muri Repubulika Iharanira Demokarasi ya Congo muri ¼.

KCCA FC yo muri Uganda, ifite irushanwa riheruka, ni imwe mu makipe azitabira iry’uyu mwaka, aho izaba iri kumwe na Express FC yatwaye igikombe cya Uganda Premier League.

Amakipe yamaze kwemeza ko azitabira iri rushanwa ni: Express & KCCA (Uganda), Young Africans & Azam FC (Tanzania), Tusker FC (Kenya), APR FC (Rwanda), Le Messager Ngozi FC (Burundi), Altabara FC (Sudani y’Epfo), KMKM SC (Zanzibar) na Big Bullets (Malawi).

Iri rushanwa rihuza amakipe yo mu bihugu 12 byo mu Karere ka Afurika y’Uburasirazuba n’iyo Hagati, riterwa inkunga na Perezida Kagame guhera mu 2002, aho ashyiramo inkunga y’ibihumbi $60 agabanywa amakipe atatu ya mbere.

APR FC iri mu makipe 10 yamaze kwemeza ko azakina CECAFA Kagame Cup ya 2021 muri Tanzania
Mu 2019, APR FC yasezerewe muri ¼

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .