APR FC izakira Espoir FC idafite zimwe mu nkingi za mwamba

Yanditswe na Eric Tony Ukurikiyimfura
Kuya 22 Gicurasi 2019 saa 12:37
Yasuwe :
0 0

APR FC izakira Espoir FC mu mukino w’umunsi wa 29 wa shampiyona uteganyijwe kuri uyu wa Gatandatu, idafite bamwe mu bakinnyi igenderaho nka Hakizimana Muhadjiri umaze iminsi adakora imyitozo.

Hakizimana Muhadjiri arwaye angine ndetse ntabwo aritabira imyitozo y’iyi kipe y’ingabo z’igihugu kuva yatsindirwa i Muhanga mu mukino w’umunsi wa 28 wa shampiyona wabaye ku wa Gatandatu, amahirwe yo kwegukana igikombe akayoyoka.

Uretse uyu mukinnyi ushidikanywaho, APR FC izakina na Espoir FC idafite kandi abarimo myugariro w’iburyo, Rusheshangoga Michel ufite amakarita atatu y’umuhondo ndetse na Butera Andrew urwaye malariya.

Iyi kipe yamaze kugarura Nshimiyimana Imran wari urwaye malariya ndetse na Omborenga Fitina aho bombi bamaze gutangira imyitozo.

APR FC iri ku mwanya wa kabiri n’amanota 62, irushwa amanota ane na Rayon Sports ya mbere mu gihe habura imikino ibiri ngo shampiyona igere ku musozo.

Uko amakipe azahura ku munsi wa 29 wa shampiyona

Ku wa Gatanu tariki ya 24 Gicurasi 2019

  • Gicumbi FC vs AS Muhanga (Gicumbi)
  • Etincelles FC vs Mukura VS (Stade Umuganda)
  • AS Kigali vs Police FC (Stade de Kigali)
  • Kirehe FC vs Rayon Sports FC (Kirehe)

Ku wa Gatandatu tariki ya 25 Gicurasi 2019

  • Marines FC vs Sunrise FC (Stade Umuganda)
  • APR FC vs Espoir FC (Stade de Kigali)
  • SC Kiyovu vs Amagaju FC (Stade Mumena)
  • Musanze FC vs Bugesera FC (Stade Ubworoherane)

Abakinnyi batemerewe gukina iyi mikino

  1. Lulihoshi Akisante Dieu Merci (AS Muhanga)
  2. Nizigiyimana Junior (AS Muhanga)
  3. Rusheshangoga Michel (APR FC)
  4. Harerimana Obed (Musanze FC)
  5. Shema Innocent (Musanze FC)
  6. Mumbere Saiba Claude (Etincelles FC)
  7. Duhayindavyi Gael (Mukura VS)
  8. Niyomugabo Claude (AS Kigali)
  9. Uko Ndubuisi Emmanuel (Amagaju FC)
  10. Dusabe Jean Claude (Amagaju FC)
  11. Ndagijimana Benjamin (Kirehe FC)
  12. Munyeshyaka Gilbert (Kirehe FC)
  13. Karera Hassan (Kiyovu SC)
  14. Bwanakweli Emmanuel (Police FC)
Hakizimana Muhadjiri amaze iminsi adakora imyitozo kubera angine
Rusheshangoga Michel afite amakarita atatu y'umuhondo
Butera Andrew arwaye malariya
Omborenga Fitina azaziba icyuho cya Rusheshangoga Michel bakina ku mwanya umwe
Nshimiyimana Imran akirutse malariya

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza