APR FC izakina indi mikino ibiri ya gicuti mbere yo guhura na Gor Mahia

Yanditswe na Eric Tony Ukurikiyimfura
Kuya 21 Ugushyingo 2020 saa 04:23
Yasuwe :
0 0

APR FC irateganya gukina indi mikino ibiri ya gicuti mbere yo guhura na Gor Mahia yo muri Kenya mu mukino ubanza w’ijonjora rya mbere rya CAF Champions League uzaba ku wa 28 Ugushyingo 2020.

APR FC izabanza kwakira Gor Mahia mu mukino wa gicuti uzabera kuri Stade ya Kigali i Nyamirambo mu gihe uwo kwishyura uzabera i Nairobi hagati ya tariki ya 4 n’iya 6 Ukuboza 2020.

Mu rwego rwo kwitegura iyi mikino yombi, APR FC izakina umukino wa gicuti wa mbere na Musanze FC ku Cyumweru tariki ya 22 Ugushyingo saa Cyenda kuri Stade ya Kigali.

Bukeye bwaho, ku wa Mbere saa Cyenda, Ikipe ya Gisirikare izakina kandi na AS Arta Solar 7 yo muri Djibouti iri kwitegura irushanwa rya CAF Confederation Cup.

Umutoza wa APR FC, Adil Mohammed Erradi, yamaze kwakira abakinnyi bose barimo Tuyisenge Jacques wavuye mu kibuga ku wa Kabiri, bigaragara ko afite ikibazo cy’imvune ubwo u Rwanda rwakinaga na Cap-Vert.

APR FC imaze gukina imikino icyenda ya gicuti, irimo ibiri yahuyemo na AS Kigali, ibiri yahuyemo na Rutsiro FC, uwa Rwamagana City FC, Etoile de l’Est, Sunrise FC, Bugesera FC na Etincelles FC.

APR FC izakina imikino ibiri ya gicuti irimo uzayihuza na Arta Solar 7 yo muri Djibouti
Tuyisenge Jacques (hagati) yakoranye n'abandi imyitozo ku wa Gatanu
Tuyisenge yakiniye Gor Mahia izahura na APR FC ku wa Gatandatu utaha

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .