Amavubi yatsinzwe na Cameroun, akomeza kuba aya nyuma mu itsinda (Amavubi)

Yanditswe na Eric Tony Ukurikiyimfura
Kuya 17 Ugushyingo 2019 saa 09:26
Yasuwe :
0 0

Ikipe y’Igihugu ‘Amavubi’, yatsinzwe na Cameroun igitego 1-0 mu mukino w’umunsi wa kabiri wo mu itsinda F ryo gushaka itike y’Igikombe cya Afurika (CAN 2021) wabereye kuri Stade ya Kigali i Nyamirambo kuri iki Cyumweru.

Icyizere cy’Amavubi kiragabanuka umunsi ku wundi nyuma yo gutakaza uyu mukino wa kabiri kuko yaherukaga gutsindwa na Mozambique ku wa Kane.

Amavubi yagarutse mu Rwanda ejo hashize, yinjiye neza mu mukino, atangira asatira Cameroun, ariko umupira wahinduwe na Omborenga Fitina, ntiwagerwaho na Meddie Kagere mbere y’uko Imanishimwe Emmanuel atera ishoti ryagiye hanze.

Ahagana ku munota wa 11, Kagere Meddie yacenze umunyezamu André Onana, ateye umupira mu izamu ufata inshundura ntoya mu gihe Hakizimana Muhadjiri yabonye uburyo bwiza, umupira yateye ushyirwa muri koruneri.

Muri iki gice cya mbere, Cameroun yabonye uburyo bubiri bwiza, ariko Vincent Aboubakar ananirwa gutsinda umupira yahawe Ambroise Bitolo, awutera hanze mu gihe na Christian Bassogog yabonye uburyo bwiza mu rubuga rw’amahina, agorwa na Nirisarike Salomon.

Mbere y’uko igice cya mbere kirangira, Bizimana Djihad yagerageje amashoti abiri akomeye, yombi aca hejuru y’izamu rya Cameroun.

Nyuma y’iminota 10 igice cya kabiri gitangiye, Mashami yakoze impinduka ya mbere, Hakizimana Muhadjiri asimburwa na Sibomana Patrick mu gihe Imanishimwe Emmanuel wavunitse ku munota wa 65, yasimbuwe na Rutanga Eric.

Cameroun yabonye igitego ku munota wa 69, gitsinzwe na Mouni Ngamaleu wateranye umupira Nirisarike Salomon, umunyezamu Kimenyi Yves ntiyawukurikira, umuca imbere ujya mu izamu.

Mu minota ya nyuma, Amavubi yasatiriye bikomeye izamu rya Cameroun, ariko abarimo Tuyisenge Jacques na Kagere Meddie bagorwa n’umunyezamu André Onana na ba myugariro Dawa Joyskin na Michael Ngadeu.

Gutsinda uyu mukino byatumye Cameroun izakira CAN 2021, iyobora itsinda F n’amanota ane, ikurikiwe na Mozambique ifite amanota atatu, Cap-Vert ifite inota rimwe mu gihe u Rwanda rufite ubusa.

Cap-Vert izakira Mozambique mu mukino uzaba kuri uyu wa Mbere.

Abakinnyi b'Amavubi baririmba Rwanda Nziza
Abakinnyi ba Cameroun baririmba indirimbo yubahiriza igihugu cyabo
Abakinnyi b'Amavubi babanje mu kibuga: Abahagaze (uhereye ibumoso): Kagere, Omborenga, Tuyisenge, Nirisarike, Imanishimwe, Haruna (c). Abunamye: Rwatubyaye, Muhadjiri, Kimenyi, Bizimana na Sefu
Abakinnyi ba Cameroun babanje mu kibuga
Myugariro w'iburyo Omborenga Fitina ahindura umupira
Dawa Joyskin yitegereza umupira wazaga mu kirere
Umunyezamu wa Cameroun, Andre Onana yagoye Amavubi muri uyu mukino
Hakizimana Muhadjiri ubwo yari amaze gucika Andre-Frank Zimbo Anguissa
Dawa Joyskin yahise atabara Cameroun, amwambura umupira
Oyongo Ambroise Bitolo afunga umupira
Kapiteni w'Amavubi Niyonzima Haruna ahanganiye umupira na Bitolo
Omborenga Fitina yitegura gushyira umupira ku gituza ubwo yari asatiriwe na Moumi Ngamaleu
Rutahizamu w'Amavubi Meddie Kagere afunga umupira
Ngadeu Michael asubiza umupira inyuma ku munyezamu we
Tuyisenge Jacques ahanganiye umupira na ba myugariro ba Cameroun
Dawa Joyskin ni umwe mu bakinnyi ba Cameroun bitwaye neza
Hakizimana Muhadjiri ntiyabyumvaga ubwo yari amaze guhusha uburyo bwiza mu gice cya mbere
Bizimana Djihad agerageza uburyo bw'ishoti ryanyuze hejuru y'izamu
Umunyezamu Kimenyi Yves yananiwe gukuramo umupira watewe na Moumi Ngamaleu
Moumi Ngamaleu yishimira igitego kimwe cyabonetse muri uyu mukino
Minisitiri wa Siporo, Aurore Mimosa Munyangaju yari yaje gushyigikira Amavubi
Gen. Kabarebe James, umujyanama wa Perezida Kagame mu by'umutekano akaba n'Umuyobozi w'icyubahiro wa APR FC, yarebye uyu mukino
Perezida wa FERWAFA, Sekamana Jean Damascene yari yitabiriye uyu mukino
Kunde Pierre Malong ukina hagati mu ikipe ya Cameroun
Christian Bassogog ashaka uko acenga Imanishimwe Emmanuel
Rwatubyaye Abdul ahanganiye umupira na Zambo Anguissa
Bizimana Djihad hagati y'abakinnyi ba Cameroun
Hakizimana Muhadjiri ahaganiye umupira na Fai Collins
Umutoza wa Cameroun Antonio Conceiçao atanga amabwiriza ku bakinnyi be
Kapiteni w'Amavubi Niyonzima Haruna ahanganiye umupira na Arnaud Djoum
Ruranga Eric yagiye mu kibuga asimbuye Imanishimwe Emmanuel wavunitse
Rutahizamu w'Amavubi Tuyisenge Jacques agaragaza ko yababaye ubwo yari amaze kugongana na Fai
Tuyisenge Jacques akurikiye umupira wari mu kirere
Myugariro w'Amavubi Rwatubyaye Abdul akuraho umupira
Umutoza w'Amavubi Mashami Vincent areba uko umukino ugenda
Niyonzima Olivier Sefu asuhuza umutoza Mashami ubwo yari amaze gusimburwa na Iyabivuze
Kagere Meddie acenga abakinnyi ba Cameroun barimo Fabrice Olinga
Umukino warangiye ibyishimo bitashye mu Banya-Cameroun
Amavubi yari ashyigikiwe kuri uyu mukino
Umutoza wa Cameroun Antonio Conceiçao asuhuzanya na Mashami Vincent utoza Amavubi
Kunde Pierre Malong ukina hagati mu ikipe ya Cameroun
Christian Bassogog ashaka uko acenga Imanishimwe Emmanuel
Rwatubyaye Abdul ahanganiye umupira na Zambo Anguissa
Bizimana Djihad hagati y'abakinnyi ba Cameroun
Hakizimana Muhadjiri ahaganiye umupira na Fai Collins
Umutoza wa Cameroun Antonio Conceiçao atanga amabwiriza ku bakinnyi be
Kapiteni w'Amavubi Niyonzima Haruna ahanganiye umupira na Arnaud Djoum
Ruranga Eric yagiye mu kibuga asimbuye Imanishimwe Emmanuel wavunitse
Rutahizamu w'Amavubi Tuyisenge Jacques agaragaza ko yababaye ubwo yari amaze kugongana na Fai
Tuyisenge Jacques akurikiye umupira wari mu kirere
Myugariro w'Amavubi Rwatubyaye Abdul akuraho umupira
Umutoza w'Amavubi Mashami Vincent areba uko umukino ugenda
Niyonzima Olivier Sefu asuhuza umutoza Mashami ubwo yari amaze gusimburwa na Iyabivuze
Kagere Meddie acenga abakinnyi ba Cameroun barimo Fabrice Olinga
Umukino warangiye ibyishimo bitashye mu Banya-Cameroun
Amavubi yari ashyigikiwe kuri uyu mukino
Umutoza wa Cameroun Antonio Conceiçao asuhuzanya na Mashami Vincent utoza Amavubi

Amafoto: Umurerwa Delphin


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza