Kuri uyu wa Mbere, tariki ya 11 Ugushyingo 2024, ni bwo abakinnyi batangiye akaruhuko k’amakipe y’igihugu, abakina muri Shampiyona y’u Rwanda na bagenzi babo bahita berekeza aho umwiherero uzabera.

Abakinnyi bari kwitegurira ku kibuga cy’imyitozo cya Stade Amahoro na cyane ko ari ho bazakinira umukino w’Umunsi wa Gatanu mu Itsinda D ruzakiramo Libya.

Bamwe mu bakinnyi bakina hanze bamaze kuhagera harimo Manzi Thierry wa Al Ahli Tripoli, Nshuti Innocent wa One Knoxville SC, Ntwari Fiacre wa Kaizer Chiefs, Phanuel Kavita wa Birmingham Legion, Buhake Clément Twizere wa Ullensaker/Kisa na Rubanguka Steve wa Al-Nojoom.

Usibye uyu mukino uzabahuza na Libya ku wa 14 Ugushyingo, i Kigali, nibamara kuwukina bazahita berekeza muri Nigeria gukina na Super Eagles ku ya 18 Ugushyingo 2024.

Phanuel Kavita yiteguye gukina umukino wa mbere mu Ikipe y'u Rwanda

Kavita na Manzi ni bamwe mu bakina mu bwugarizi

Abanyezamu bose b'Amavubi bamaze kuhagera

Mugisha Gilbert na Niyomugabo Claude ba APR FC bageze mu myitozo y'Amavubi

Manzi Thierry yiteguye guhura na Libya

Rubanguka Steve yatangiranye imyitozo na bagenzi be

Amavubi yatangiye kwitegura Libya na Nigeria