00:00:00 IGIHE NETWORK KN KINYARWANDA EN ENGLISH FR FRANCAIS

Amavubi yasubiye inyuma ku rutonde rwa FIFA

Yanditswe na Iradukunda Olivier
Kuya 6 Ukwakira 2022 saa 07:45
Yasuwe :

Ikipe y’Igihugu “Amavubi” yisanze ku mwanya wa 137 ku rutonde ngarukakwezi rukorwa n’Ishyirahamwe ry’Umupira w’Amaguru ku Isi, FIFA, rwasohotse kuri uyu wa Kane, tariki ya 6 Ukwakira 2022.

Kuri uru rutonde, Amavubi y’u Rwanda yasubiye inyuma ho umwanya umwe ku rutonde rw’ukwezi kwa Nzeri 2022 ahanini bitewe n’uko yitwaye mu mikino aheruka gukina.

Ntabwo bitunguranye kuko Amavubi amaze igihe akina imikino itandukanye ariko ntiyitwaremo neza.

Mu mikino u Rwanda ruheruka gukina irimo uwa gicuti waruhuje na Guinée équatoriale wabereye muri Maroc aho amakipe yombi yanganyije 0-0.

Mu marushanwa arimo nka Shampiyona Nyafurika y’Abakina imbere ku Mugabane wa Afurika, CHAN u Rwanda ruheruka gusezererwa na Ethiopia nyuma yo gutsindwa igitego 1-0 mu mikino yombi.

Umwanya Amavubi ariho ubu ni mubi cyane kuko mu Karere akiri inyuma ya Repubulika Iharanira Demokarasi ya Congo (72), Uganda (90), Kenya (102), Sudani (130), Tanzania (131). Ibi bihugu byose biza imbere y’u Rwanda uretse u Burundi buza ku mwanya wa (141).

Amavubi imaze iminsi kuri iyi myanya kuva muri Gashyantare ubwo yamanukagaho undi mwanya umwe avuye ku 135 akajya ku 136.

Mu kubigeraho, Ikipe y’u Rwanda iri gushyira imbaraga mu kubaka ubushobozi mu buyobozi bw’iyi ikipe. Iherutse kuzana Umuyobozi Ushinzwe ibya Tekiniki ndetse no kongera abanyamahanga bashoboye bafite icyo bakongera mu ikipe y’igihugu.

Muri Afurika amakipe ya mbere ni Sénégal iza ku mwanya wa 18 ku Isi, Maroc ya kabiri muri Afurika [22 ku Isi], Tunisia ya Gatatu muri Afurika [30 ku Isi], Nigeria ya Kane muri Afurika [32 ku Isi] na Algeria ya Gatanu muri Afurika ikaba iya 37 ku Isi.

Muri rusange Brazil ikomeje kuyobora ibindi bihugu ku Isi ku mwanya iriho kuva muri Werurwe, ikurikiwe n’u Bubiligi, Argentine, u Bufaransa n’u Bwongereza buri ku mwanya wa gatanu.

Ikipe y'Igihugu Amavubi yasubiye inyuma ku rutonde ngarukakwezi rwa FIFA, agera ku mwanya wa 137

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .