00:00:00 IGIHE NETWORK KN KINYARWANDA EN ENGLISH FR FRANCAIS

Amavubi yakoreye imyitozo ya mbere muri Afurika y’Epfo (Amafoto)

Yanditswe na Mihigo Saddam
Kuya 31 May 2022 saa 12:09
Yasuwe :

Ikipe y’Igihugu y’u Rwanda mu mupira w’amaguru, Amavubi Stars, yakoreye imyitozo ya mbere mu Mujyi wa Johannesburg muri Afurika y’Epfo, igihugu yagezemo ku Cyumweru tariki 29 Gicurasi 2022.

Guhera Saa cyenda z’igicamunsi ku masaha yo mu Rwanda na Johannesburg nibwo Amavubi yakoreye imyitozo ku kibuga cy’imyitozo cya Mamelodi Sundowns, Chloorkop. Iyi kipe y’ubukombe muri Afurika iheruka mu Rwanda mu 2018 ubwo yakinaga na Rayon Sports.

Abakinnyi 22 b’u Rwanda nibo bakoze imyitozo kuko haburagamo Meddie Kagere utari wahagera avuye muri Tanzania aho akinira Simba SC.

Mu gitondo cy’uyu wa Mbere nibwo Raphael York ukinira ikipe ya AFC Eskilstuna muri Suède yageze aho bagenzi be bacumbitse.

Umuzamu w’Amavubi Stars, Kwizera Olivier uheruka muri Afurika y’Epfo akinira Free State Stars, avuga ko icyo basabwa ari ukuzacungana n’ingano y’ikibuga.

Yagize ati “Muri Afurika y’Epfo bagira ibibuga binini, turasabwa kuzajya twegerana mu gihe dutakaje umupira, twawubona tugafungura.”

Kwizera avuga ko Abanyarwanda bakwiye gushyigikira ikipe mu mukino utegerejwe kuri uyu wa Kane tariki ya 2 Kamena 2022.

Abakinnyi 23 umutoza Carlos Alos Ferrer yahamagaye:

Abanyezamu: Kwizera Olivier (Rayon Sports), Ntwari Fiacre ( AS Kigali) na Kimenyi Yves (Kiyovu Sports).

Ba Myugariro: Imanishimwe Emmanuel (FAR Rabat, Maroc), Nirisarike Salomon (Urartu FC, Armenia), Niyomugabo Claude (APR FC), Mutsinzi Ange Jimmy (CD Trofense, Portugal), Omborenga Fitina (APR FC), Manzi Thierry (FC Dila Gori, Georgia), Nsabimana Aimable (APR FC), Niyigena Clement (Rayon Sports) na Serumogo Ali (SC Kiyovu).

Abakina Hagati: Manishimwe Djabel (APR FC), Nishimwe Blaise (Rayon Sports), Bonheur Mugisha (APR FC), Bizimana Djihad (KMSK Deinze), Muhire Kevin (Rayon Sports), Rafael York (AFC Eskilstuna, Suède) na Ruboneka Jean Bosco (APR FC).

Ba Rutahizamu: Meddie Kagere (Simba SC, Tanzania), Hakizimana Muhadjiri (Police FC), Ndayishimiye Antoine Dominique (Police FC) na Mugunga Yves (APR FC).

Kwizera Olivier avuga ko muri Afurika y'Epfo haba ubukonje n'ibibuga bisaba gukoresha imibare myinshi mu mukino
Bizimana Djihad agenzura umupira nk'umwe mu bakinnyi bashobora kuzashingirwaho hagati mu kibuga
Manishimwe Djabel ahangana na Mutsinzi Ange Jimmy babanye mu ikipe ya APR FC na Rayon Sports
Umunya-Espagne akaba umutoza mukuru w'Amavubi, Carlos Ferrer azaba atoza u Rwanda mu mukino wa mbere
Nyuma yo gufasha FAR Rabat gutwara igikombe cy'igihugu cya Maroc, myugariro Imanishimnwe Emmanuel yitabiriye ubutumire bw'Amavubi
Umukinnyi wo hagati mu ikipe ya APR FC, Mugisha Bonheur ni umwe mu bakinnyi bataragira ubunararibonye mu Mavubi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .