Mu masaha ya nimugoroba ku wa Mbere tariki ya 30 Nzeri 2024, ni bwo abakinnyi bahamagawe mu Ikipe y’u Rwanda cyane cyane abakina imbere mu gihugu batangiye imyitozo.

Iyi myitozo yari iyobowe n’Umutoza Mukuru, Torsten Spittler, n’abungiriza be yitabiriwe n’abakinnyi 20 harimo abashya bari bakandagiye muri iyi kipe ku nshuro ya mbere.

Abo ni Johan Marvin wa Yverdon Sports yo mu Cyiciro cya Mbere mu Busuwisi, Salim Abdallah wa Musanze FC na rutahizamu Iradukunda Kabanda Serge wa Gasogi United FC.

Ishyirahamwe rya Ruhago mu Rwanda (FERWAFA), ryagaragaje ko abandi bakinnyi bazagenda babiyungaho nyuma.

Barimo Gitego Arthur wa AFC Leopards uhagera kuri uyu wa Kabiri, tariki ya 1, Buhake Clement wa Ullens uzahagera tariki ya 3 ndetse na Mugisha Bonheur na Ishimwe Anicet bazahagera tariki ya 5 Ukwakira 2024.

Abakinnyi 20 ni bo batangiranye imyitozo

Ruboneka Jean Bosco ni umwe mu bazifashishwa mu kibuga hagati

Amavubi yatangiye kwitegura Bénin bizakina imikino ibiri

Salim Abdallah yakoranye imyitozo n'abandi

Kabanda Serge ni umwe mu bakinnyi bashya bahamagawe

Umunyezamu Hakizimana Adolphe yatangiranye na bagenzi be imyitozo

Amavubi ari gukorera imyitozo kuri kibuga cya Stade Amahoro

Mugisha Gilbert ashaka uko ahereza bagenzi be

Johan Marvin ni umwe mu bazifashishwa ku mukino w'u Rwanda na Bénin

Salim Abdallah yamaze kugera mu Ikipe y'Igihugu 'Amavubi'

Muhire Kevin na Mugisha Gilbert batangiye imyitozo mu Ikipe y'Igihugu