Sudani y’Epfo yabonye itike yo guhura n’Amavubi nyuma yo kunganya na Kenya 1-1, mu mukino wo kwishyura wabereye kuri Nambole Stadium muri Uganda kuri iki Cyumweru, bityo ihita ikomeza mu cyiciro gikurikira dore ko yari yatsinze ubanza ibitego 2-0.

Iki gihugu gishya muri ruhago y’isi ni cyo kizakira umukino ubanza uteganyijwe hagati y’amatariki ya 20 na 22 Ukuboza 2024, mu gihe uwo kwishyura uzakinirwa kuri Stade Amahoro nyuma y’icyumweru kimwe.

Amavubi arasabwa gusezerera Sudani y’Epfo kugira ngo agire amahirwe yo kuba yakwerekeza muri CHAN, dore ko kugeza magingo aya ntawe uzi ikizagenderwaho ngo hamenyekane igihugu kiziyongera kuri bitatu bizakira iri rushanwa.

Uretse Kenya yasezerewe ariko isanganywe itike ya CHAN nka kimwe mu bihugu bizakira iri rushanwa, Tanzania na yo yaje gusezererwa na Sudani kuri penaliti 6-5 nyuma y’aho buri kipe itsindiye mu rugo igitego 1-0.

Uko imikino ya CHAN iteganyijwe mu ijonjora rya nyuma

• Burundi v Uganda
• Ethiopia v Sudani
• Sudani y’epfo v Rwanda

Sudani y'Epfo yatunguranye isezerera Kenya

Ni umukino wabereye muri Uganda kuko Kenya izakira CHAN nta kibuga cyemewe ifite

Amavubi yari yasezereye Djibouti iyitsinze ibitego 3-1 mu mikino yombi

Amavubi yari yasezereye Djibouti iyitsinze ibitego 3-1 mu mikino yombi