Amavubi atarimo Bayisenge yakoze imyitozo ya nyuma mbere yo guhura na Mozambique (Amafoto)

Yanditswe na Eric Tony Ukurikiyimfura
Kuya 13 Ugushyingo 2019 saa 10:51
Yasuwe :
0 0

Myugariro wo hagati, Bayisenge Emery, wagiriye ikibazo mu myitozo yabaye ku wa Kabiri, ntiyakoze iyo kuri uyu wa Gatatu ndetse yakuwe mu bakinnyi b’Amavubi bazifashishwa ku mukino wa Mozambique.

Iyi myitozo yatangiye saa 18:00 ku masaha amakipe yombi azakiniraho kuri uyu wa Kane, yanitabiriwe na Ambasaderi w’u Rwanda muri Mozambique, Nikobisanzwe Claude.

Umutoza w’Amavubi, Mashami Vincent, yavuze ko abakinnyi be bameze neza ndetse yemeza ko Bayisenge Emery, imvune ye yakomeje.

Ati ”Biragaragara ko ikibazo cy’imvune ya Bayisenge cyakomeje, azaba ahari ariko ntabwo tuzakomukoresha. Nta kibazo dufite kuko twazanye abakinnyi benshi. Mozambique turayubaha, turabizi ko nayo itwubaha. Birashoboka ariko gutsinda kubivuga ni kimwe no kubikorera ni ikindi. Turabyifuza.”

Ni ku nshuro ya gatatu ibihugu byombi bigiye guhura hashakwa itike y’Igikombe cya Afurika.

Mu mukino ubanza wabaye muri Kamena 2015 hashakwa itike ya CAN 2017, u Rwanda rwatsindiye Mozambique iwayo igitego 1-0 cya Sugira Ernest.

Mu mukino wo kwishyura wabaye muri Kamena 2016, Mozambique yatsindiye u Rwanda i Kigali ibitego 3-2.

Nyuma yo gukina uyu mukino, ku wa Gatanu, Amavubi azagaruka i Kigali yitegura umukino w’umunsi wa kabiri azakiramo Cameroun ku Cyumweru, kuri Stade ya Kigali saa 18:00.

Mu itsinda F, u Rwanda ruri kumwe na Mozambique, Cameroun na Cap-Vert.

Cameroun yanganyije na Cap-Vert ubusa ku busa mu mukino wo muri iri tsinda wabaye kuri uyu wa Gatatu.

Ikipe imwe yo muri iri tsinda ni yo izazamuka na Cameroun izakira iri rushanwa mu 2021.

Mutsinzi Ange mu myitozo ya nyuma y'Amavubi muri Zimpeto Stadium
Nsabimana Eric 'Zidane' na we yagaragazaga akanyamuneza
Mico Justin ashoreye umupira muri iyi myitozo yabaye kuri uyu wa Gatatu
Iyabivuze Osée ni ubwa mbere asohokanye n'Ikipe y'Igihugu
Myugariro w'iburyo, Omborenga Fitina atera umupira mu izamu
Ndayishimiye Eric Bakame yitegura gufata umupira wari uje umusanga
Manzi Thierry na we ari mu bakinnyi bashobora kwifashishwa mu mutima wa ba myugariro
Amavubi yakoreye imyitozo ya nyuma ku kibuga azakiniraho kuri uyu wa Kane
Visi Kapiteni w'Amavubi, Tuyisenge Jacques
Rwatubyaye Abdul yitezweho kuyobora ubwugarizi bw'Amavubi
Hakizimana Muhadjiri aganira na Kagere Meddie
Umunyezamu Mvuyekure Emery mu kirere, akuraho umupira
Kimenyi Yves amaze iminsi abanza mu izamu ry'Ikipe y'Igihugu Nkuru
Mashami Vincent yizeye ko Amavubi ashobora gutsinda, ariko yemeza ko bisaba kubikorera
Tuyisenge mu kirere atera umupira n'umutwe mu gihe Rwatubyaye yasaga n'uhunze gato
Bayisenge Emery yagize imvune yatumye atazakina uyu mukino
Kagere Meddie yitoza gutera umupira w'umuterekano
Kagere na Rwatubyaye bahagaze ku mupira
Rwatubyaye ashobora gufatanya na Nirisarike mu mutima wa ba myugariro
Kimenyi Yves atera umupira imbere
Byasabye kuzamuka mu kirere ngo akuremo umupira
Umutoza w'Ikipe y'Igihugu Mashami afitiye icyizere abakinnyi be
Abakinnyi baganirijwe ubwo imyitozo yari irangiye
Rwatubyaye, Rutanga na Iranzi bumva ibyo babwirwaga nyuma y'imyitozo
Niyonzima Olivier Sefu (ibumoso) ushobora kubanzamo imbere ya ba myugariro, ahagararanye na Mico Justin
Uhereye ibumoso: Omborenga, Iyabivuze, Bizimana Djihad, Manzi, Bayisenge, Mutsinzi, Zidane na Rwatubyaye bateze amatwi impanuro z'Umutoza Mashami
Kimenyi Yves na Mvuyekure Emery ni bo bashobora kwifashishwa ku mukino wo kuri uyu wa Kane
Meddie Kagere, Omborenga na Iyabivuze bumva inama z'abatoza
Sibomana Patrick na we ashobora kuzahabwa umwanya mu basatira izamu
Muhire Kevin ukina inyuma ya ba rutahizamu ni umwe mu bakinnyi bato bari mu Mavubi
Imanishimwe Emmanuel ukina inyuma ku ruhande rw'ibumoso
Ambasaderi w'u Rwanda muri Mozambique, Nikobisanzwe Claude yasabye Amavubi kuzitwara neza
Amavubi yafashe ifoto mbere yo gusohoka muri Zimpeto Stadium
Ambasaderi w'u Rwanda muri Mozambique, Nikobisanzwe yijeje abagiye bayoboye Ikipe y'Igihugu ko Abanyarwanda baba muri Mozambique bazaza kubashyigikira
Mutsinzi Ange asoma ku mazi ubwo imyitozo yari irangiye

Amafoto: Himbaza Pacifique


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza