00:00:00 IGIHE NETWORK KN KINYARWANDA EN ENGLISH FR FRANCAIS

Amakipe yo mu Bwongereza ayoboye andi mu gutunga akayabo

Yanditswe na Iradukunda Olivier
Kuya 19 Mutarama 2023 saa 09:51
Yasuwe :

Ugendeye ku bushakashatsi bwakozwe n’Ikigo Deloitte gikora isuzuma ry’uko ibigo bikomeye byinjiza amafaranga, bugaragaza ko amakipe yo muri Shampiyona y’u Bwongereza “Premier League” yayoboye andi mu gukorera menshi.

Iyi mibare yakozwe hashingiwe kuri raporo z’umwaka w’imikino wa 2021/2022, aho amakipe 11 yose yaje muri 20 ya mbere arusha andi kuba yarakuye amafaranga menshi mu bikorwa byayo.

Kuri iyi nshuro kandi ni bwo bwa mbere mu myaka 26, amakipe arenga ½ muri 20, yose abaye ayo muri shampiyona imwe. Manchester City iherutse gutwara igikombe iza iyoboye, umwanya yakomeje kugumaho nk’uko yabikoze mu 2020/2021.

Iyi kipe iri ku mwanya wa mbere nyuma y’uko bigaragaye ko yinjije ibifite agaciro ka miliyoni £731, mu gihe umwaka wawubanjirije yari kuri miliyoni £644.

Kuri uru rutonde ikurikirwa na Real Madrid yo muri Espagne, iza ku mwanya wa kabiri yabonye miliyoni £713, na yo ikaba yagumye aho yari mu mwaka ushize.

Liverpool FC yari ku mwanya wa karindwi mu mwaka ushize w’imikino, yarazamutse igera ku wa gatatu, aho yinjije miliyoni £701.

Manchester United, Arsenal FC, Chelsea FC na Tottenham Hotspur ziza mu makipe 10 ya mbere mu gihe urwo rutonde rwa 20 hariho amakipe nka West Ham United FC, Leicester City FC, Leeds United FC, Everton FC na Newcastle United FC.

FC Barcelone yo muri Espagne na Bayern Munich yo mu Budage, ntizahiriwe n’uyu mwaka kuko zasubiye inyuma cyane ku rutonde. FC Barcelone yari ku mwanya wa kane ubu yabaye iya karindwi, Bayern Munich yari ku mwanya wa gatatu, iba iya gatandatu.

Aya makipe yose nubwo amwe yahombye andi akinjiza cyane, yose hamwe yazamutseho 13% ugereranyije n’umwaka w’imikino wa 2020/2021, bingana na miliyari £9.2.

Uku kuzamuka ariko gutandukanye n’ukwari kwitezwe, kuko abakunzi b’umupira w’amaguru bari bemerewe kujya ku bibuga nyuma yo gukomorerwa ku ngamba zo kwirinda icyorezo cya Covid-19.

Amakipe y’abagore kandi yongereye agaciro k’amakipe cyane cyane ayo mu Bwongereza arimo Chelsea FC, Liverpool FC, Manchester City, Manchester United na Tottenham Hotspur. Izi kipe zazamutseho hejuru ya 15%, ku makipe yayo bingana na miliyoni £226 zirenga.

Amakipe kandi yazamuye agaciro k’ibyo yacuruzaga biyashamikiyeho nk’imyambaro cyangwa ibindi bikoresho, kangana na 8%; ibi byavuye kuri miliyoni £3.5, bigera kuri £3.8. Uburenganzira amakipe acuruza ku mashusho bwo bwaragabanutse buva kuri miliyoni £485 bugwa kuri 412.25, bingana na 11%.

Imibare yo mu mwaka ushize yarazamutse cyane kuko nta mikino yigeze isubikwa, nk’uko byari byagenze mu 2019/20, umwaka wagaragayemo kudakina no kudakurikirana imikino bitewe na COVID-19.

Manchester City iyoboye andi makipe mu kwinjiza akayabo mu mwaka wa 2021-2022.Manchester City iyoboye andi makipe mu kwinjiza akayabo mu mwaka wa 2021/2022
FC Barcelone ntabwo iri guhirwa no kwinjiza amafaranga menshi muri iyi myaka
Bayern Munich yamanutseho imyanya ine ku rutonde rw'amakipe yinjije akayabo
Amakipe 11 yo mu Bwongereza ari muri 20 yinjije amafaranga menshi mu 2021/2022
Amakipe y'abagore yo mu Bwongereza yongereye cyane agaciro

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .