Amakipe agiye gushyirirwaho umubare ntarengwa w’abakinnyi ashobora gutiza

Yanditswe na IGIHE
Kuya 13 Nzeri 2018 saa 08:28
Yasuwe :
0 0

Ishyirahamwe ry’Umupira w’Amaguru ku Isi (FIFA) rigiye gushyiraho itegeko rishya ribuza amakipe gutiza abakinnyi bose ashatse, aho biteganywa ko umubare ntarengwa uzaba ari abakinnyi umunani.

Nk’uko byatangajwe n’ikinyamakuru Bild cyo mu Budage, FIFA iri kwiga ku itegeko rishya rigenda uburyo amakipe atiza abakinnyi, rizakoma mu nkokora amakipe akomeye nka Chelsea FC yo mu Bwongereza yabigize ubucuruzi.

Iyi kipe izwiho ko igura abakinnyi ikabatiza mu yandi makipe bamara kwigaragaza igahita ibagurisha ibungutsemo, nyamara batarigeze banambara umwenda wayo.

Kuri ubu iyi kipe ifite abakinnyi 40 batijwe mu makipe atandukanye i Burayi.

Ubusanzwe ikipe yabaga yemerewe gutiza umubare w’abakinnyi bose yifuza mu gihe runaka, igihe bakiyifitiye amasezerano, ariko habayemo ubwumvikane ku mpande zose, ikipe imufiteho uburenganzira, umukinnyi n’ikipe imwifuza.

Muri Gashyantare uyu mwaka, Perezida wa FIFA Gianni Infantino yavuze ko uburyo gutizanya abakinnyi bikorwamo bugomba guhinduka.

Yagize ati “Ni ngombwa ko hashyirwaho amategeko amwe agaragaza umubare ntarengwa w’abakinnyi ikipe igomba kuba ifite ndetse n’umubare w’abo itiza.”

Mu Rwanda bitewe n’ubushobozi bw’amakipe butaba buri hejuru, si menshi akunze gutiza abakinnyi barenze batatu.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza