Ibihe by’ingenzi byaranze umukino wa APR FC na Bugesera FC mu mafoto 120

Yanditswe na Eric Tony Ukurikiyimfura
Kuya 13 Mutarama 2020 saa 11:12
Yasuwe :
0 0

APR FC yaraye itsinze Bugesera FC ibitego 2-1 mu mukino w’umunsi wa 17 wa Shampiyona wabereye kuri Stade ya Kigali i Nyamirambo.

Ibitego by’ikipe y’ingabo byatsinzwe na Usengimana Danny ku munota wa 15 n’uwa 40 mu gihe icy’impozamarira ku ruhande rwa Bugesera FC, cyatsinzwe na Shabani Hussein Tchabala ku munota wa 55.

Gutsinda uyu mukino byatumye APR FC igira amanota 41 ku mwanya wa mbere, irusha amanota atandatu Rayon Sports ya kabiri mu gihe Bugesera FC ifite amanota 23 ku mwanya wa karindwi.

Tchabalala yujuje ibitego 11, arushwa bibiri na Babuwa Samson uyoboye ba rutahizamu n’ibitego 13 mu gihe Usengimana Danny yujuje ibitego 10.

Ba kapiteni bombi: Butera Andrew na Nzabanita David bifotozanya n'abasifuzi bayobowe na Nizeyimana Isiaq
Butera na Nzabanita David babanje gutanga ubutumwa bwa Gerayo Amahoro
Abasimbura ba APR FC kuri uyu mukino yahuyemo na Bugesera FC
Umutoza wungirije wa APR FC, Nabyl Bekraoui, uw'abanyezamu Mugabo Alex na Team Manager, Capt. Kavuna ku ntebe y'abasimbura
Abatoza ba Bugesera FC bakuriwe na Masudi Djuma wicaye hagati
Abakinnyi bari ku ntebe ya Bugesera FC
Abakinnyi ba APR FC babanje mu kibuga
Abakinnyi ba Bugesera FC babanje mu kibuga
Bukuru Christophe asanganira umupira mu gihe Mugisha François Master na we yazaga amusatira
Bukuru yahise atanga umupira kuri bagenzi be nubwo Mugisha Master yari amugezeho
Nshuti Innocent na we wari hagati y'abakinnyi ba Bugesera FC yawusubije bagenzi be
Manishimwe Djabel yinjira mu rubuga rw'amahina rwa Bugesera FC
Manishimwe Djabel yagiye gutera umupira aranyerera
Manishimwe Djabel yitegura gutera koruneri
Abakinnyi ba APR FC bazamukiraga rimwe bashaka gutsinda
Nshuti Innocent wari ukurikiwe na Nzabanita David, yagaragaje ubuhanga muri uyu mukino
Omborenga Fitina afunga umupira hafi n'umurungo
Omborenga yahise asubiza umupira mu rubuga rw'amahina rwa Bugesera FC
Umunyezamu Kwizera Janvier Rihungu asimbuka ngo afate umupira ubwo yari yasatiriwe na Usengimana Danny
Kwitonda Alain mu kirere, atanga umupira Manishimwe Djabel
Manishimwe Djabel yasubiranye umupira acenga Kwitonda
Uyu myugariro wa Bugesera, Kwitonda, na we yirwanyeho akura umupira kuri Djabel
Mutsinzi Ange yitegura gufunga umupira
Mutsinzi yitegereza aho ashyira umupira nyuma yo kuwushyikira
Mutsinzi wari usatiriwe na Nzabanita David yahise awutanga kuri bagenzi be
Mutsinzi Ange ashaka uko atambuka kuri myugariro wa Bugesera FC Kouame Kouakou
Kouame yahise amushyira hasi ariko umupira ufatwa na Manishimwe Djabel
Master atanga umupira Mutsinzi ubwo APR FC yateraga koruneri
Myugariro Kouame atwara umupira Omborenga Fitina
Manishimwe Djabel atwara umupira Mustapha Francis
Kwizera Janvier afata umupira ubwo yari asatiriwe na Omborenga Fitina
Imanishimwe Emmanuel yitegereza aho atanga umupira
Nzabanita na Djabel bahanganiye umupira mu gihe umusifuzi Nizeyimana Isiaq yitegerezaga niba ntawe ukora ikosa
Kouame ashoreye umupira hagati y'abakinnyi ba APR FC
Masudi Djuma atanga amabwiriza ku bakinnyi be mu gihe Kwitonda Alain yasatiraga Omborenga
Usengimana Danny akuriiye umupira wari ukuweho na myugariro wa Bugesera FC
Bukuru Christophe watanze umupira wavuyemo igitego cya mbere asatirwa na Mugisha Master
Usengimana Danny aroba Kwizera Janvier ku gitego cya mbere
Usengimana Danny yishimira igitego cya mbere yatsindiye APR FC
Nshuti Innocent yahise aza amwurira mu mugongo ubwo yishimiraga igitego
Abakinnyi ba APR FC bose baza gushimira Usengimana Danny
Umusifuzi Nizeyimana Isiaq yihanangiriza myugariro wa Bugesera, Kouame
Umutoza wa Bugesera FC yibutsa umukinnyi we ko yataye umwanya agomba kuba arimo
Umutoza wa APR FC, Adil Mohamed Erradi asobanurira abakinnyi be uko bakina
Nshuti Innocent yahushije uburyo bwinshi muri uyu mukino
Nshuti Innocent asa n'ucitse intege nyuma yo gutera umupira hanze
Kwitonda Alain na Niyitegeka Idrissa basatirwa na Butera Andrew
Butera Andrew atwara umupira Kwitonda Alain
Umunyezamu Kwizera Janvier Rihungu yitabwaho na Mugwaneza Regis uvura abakinnyi ba Bugesera FC
Kapiteni wa Bugesera FC, Nzabanita David afunga umupira mu kibuga hagati ubwo yari asatiriwe na Bukuru
Imanishimwe Emmanuel Mangwende yahushije igitego cyabazwe
Omborenga Fitina yari yageze mu izamu ubwo Mangwende yateraga umupira hanze
Nshuti Innocent ahanganiye umupira na Kouame wa Bugesera FC
Umutoza wa Bugesera FC Masudi Djuma yahawe ikarita y'umuhondo kubera amagambo yabwiye abasifuzi
Nshuti Innocent yananiwe gutsinda ubwo yari asigaranye n'umunyezamu Kwizera Janvier 'Rihungu'
Usengimana Danny yishimira igitego cya kabiri
Bukuru Christophe na Imanishimwe Emmanuel Mangwende bishimira igitego hamwe na Usengimana Danny
Ababyeyi ba Rwabuhihi Placide ukinira APR FC, bari baje kureba uyu mukino
Mustapha Francis atera umupira mu izamu ari hagati y'abakinnyi ba APR FC
Niyitegeka Idrissa akurikiye umupira ahagana muri koruneri
Rwabuhihi Aime Placide ashyira umupira muri koruneri nyuma yo guserebeka
Rwabugiri Umar acenga Kibengo Jimmy wari umusatiriye
Umusifuzi ahamagaza umuganga wa Bugesera FC ubwo Mustapha Francis yari akiniwe nabi
Umusifuzi Nizeyimana Isiaq yihanangiriza umukinnyi wa Bugesera FC wagiye guhagarara mu izamu rya APR FC mbere y'uko haterwa coup-franc
Niyitegeka Idrissa hagati y'abakinnyi ba APR FC
Abafana ba APR FC bari bafite akanyamuneza, bacinya akadiho
Abafana ba Bugesera FC bavuzaga ingoma ariko basa n'abacitse intege
Abakinnyi ba Bugesera FC bishyushyaga, banyuzagamo bagahagarara bakareba uko abari mu kibuga bari kubigenza
Buregeya Prince atanga umupira kuri bagenzi be mu gihe abakinnyi ba Bugesera FC bawukurikiraga
Rwabugiri Umar arokora APR FC ku mupira wa Mugisha Master yashyize muri koruneri
Muregenzi Rodrigue atwara umupira Buregeya Prince
Imanishimwe Emmanuel acenga Niyitegeka Idrissa
Usengimana Danny ahagarika umupira wari hagati mu maguru ye
Imanishimwe Emmanuel Mangwende atera ishoti ryafashe mu mugongo w'umukinnyi wa Bugesera FC
Umusifuzi Nizeyimana Isiaq afunga imishumi y'inkweto yari ifungutse hagati mu mukino
Rihungu akuraho umupira wa koruneri n'ibipfunsi nyuma yo gusimbuka
Buregeya Prince winjiye asimbuye, atanguranwa umupira na Nzabanita David mu kirere
Mutsinzi Ange akura umupira kuri Niyitegeka Idrissa
Usengimana Danny na Byiringiro Lague bitegereza umupira wari ubacitse
Master wari wanyagiwe, yagowe no kwakira uburyo batsinzwemo
Kwitonda Alain na Peter Otema ba Bugesera FC ntibiyumvishaga uko batsinzwe
Umutoza wa Bugesera FC Masudi Djuma asuhuza abakinnyi ba APR FC ubwo umukino wari urangiye
Umukino urangiye umutoza Adil Erradi yagiye aganira na Nshuti Innocent wahushije uburyo bwinshi muri uyu mukino
Rwabuhihi Aime Placide ashimira ababyeyi be bari baje kumushyigikira

Amafoto: Umurerwa Delphin


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .