Akanyamuneza mu myitozo ya mbere y’Amavubi yitegura imikino ya gicuti ibanziriza CHAN (Amafoto)

Yanditswe na Eric Tony Ukurikiyimfura
Kuya 18 Gashyantare 2020 saa 11:25
Yasuwe :
0 0

Ikipe y’Igihugu ‘Amavubi’ y’abakina imbere mu gihugu, yatangiye imyitozo mu rwego rwo kwitegura imikino ibiri ya gicuti izakina na Cameroun na Congo Brazzaville mu mpera z’uku kwezi.

Imyitozo ya mbere y’Amavubi yabereye kuri Stade Amahoro guhera saa Kumi (16:00), yitabiriwe n’abakinnyi 28 bahamagawe barimo Bukuru Christophe na Twizeyimana Martin Fabrice bagaragaye bwa mbere mu mwambaro uri mu mabara y’ibendera ry’igihugu.

Umutoza Mukuru w’Amavubi, Mashami Vincent, yabanje kuganiriza abakinnyi mu gihe kigera ku minota 10, dore ko abenshi ari bwo bari bakiva mu makipe yabo nyuma y’imikino ya Shampiyona yabaye mu mpera z’icyumweru gishize.

Mu myitozo abakinnyi bakoze, byasaga no kugira ngo bisange hamwe, aho bakoze imyitozo yorohereje yo kunanura imitsi mbere yo gukoraku mupira gake gake.

Ku maso y’abakinnyi, bari bakeye, bamwenyura ndetse ubona ko bafite umwuka mwiza ku munsi w’imyitozo ya mbere mu gihe indi myitozo ikorwa kuri uyu wa Kabiri mbere yo gufata urugendo rugana muri Cameroun bazakina nayo umukino wa gicuti ku wa Mbere w’icyumweru gitaha.

Iki gihugu ni cyo kizakira CHAN y’uyu mwaka izaba guhera tariki ya 4 kugeza ku ya 25 Mata 2020, ku bibuga bine biri mu Mijyi itatu.

Tombola yabaye ku mugoroba wo kuri uyu wa Mbere tariki ya 17 Gashyantare, u Rwanda rwisanze mu itsinda rya gatatu hamwe na Maroc ifite irushanwa riheruka, abaturanyi Uganda na Togo igiye gukina iri rushanwa bwa mbere.

Uretse umukino wa gicuti na Cameroun, Amavubi azakina kandi undi mukino na Congo Brazzaville tariki ya 28 Gashyantare 2020 kuri Stade Amahoro.

Birasa n’aho iyi ariyo myiteguro ikomeye u Rwanda ruzagira mbere ya CHAN 2020 dore ko habura icyumweru kimwe ngo iri rushanwa ritangire, ikipe nkuru izakina imikino ibiri na Cap-Vert mu mpera za Werurwe mu gushaka itike ya CAN 2021.

Manzi Thierry atanga umupira kuri mugenzi we mu myitozo yabaye kuri uyu wa Mbere
Mashami Vincent aganiriza abakinnyi nyuma yo guhura ku munsi wa mbere w'imyitozo
Amavubi yakoze imyitozo yoroheje, abakinnyi babanza kwiruka gake
Manzi Thierry, Nsabimana Aimable (imbere) na Omborenga Fitina (ibumoso) bayoboye bagenzi babo
Manishimwe Djabel (ibumoso), Mutsinzi Ange (hagati) na Rugwiro Herve (iburyo) mu myitozo
Iradukunda Bertrand (ibumoso), Nshimiyimana Amran (hagati) na Byiringiro Lague (iburyo)
Umunyezamu wa Police FC Habarurema Gahungu ni umwe muri bane bahamagawe
Ndayishimiye Eric 'Bakame' usanzwe ari umunyezamu wa AS Kigali ni umwe mu bakinnyi bamaze guhamagarwa kenshi mu Amavubi
Kwizera Olivier wa Gasogi United, yongeye guhamagarwa mu ikipe y'Igihugu nyuma y'imyaka ibiri
Kimenyi Yves asimbuka hagati y'amakona
Umutoza w'abanyezamu, Higiro Thomas areba uko bitwara
Inyogosho ya Kimenyi Yves muri iyi minsi
Abakinnyi 28 bose bahamagawe, bitabiriye imyitozo ku munsi wa mbere
Bukuru Christophe, Nsabimana Eric na bagenzi babo bakora imyitozo yoroheje
Nshuti Dominique Savio na Manzi Thierry mu myitozo
Abakinnyi b'Amavubi bari bafite akanyamuneza
Iradukunda Bertrand (iburyo) ni we mukinnyi ukina mu Ntara, wahamagawe mu Amavubi
Omborenga Fitina, Mutsinzi Ange na Rugwiro Herve
Ngendahimana Eric na Byiringirio Lague (imbere) mu myitozo kuri uyu wa Mbere
Niyonzima Ally yizeye ko noneho ashobora gukinira ikipe y'igihugu nyuma y'ikibazo cy'ibyangombwa yari yagize
Bukuru Christophe yahamagawe bwa mbere mu Amavubi
Sugira Ernest watsinze ibitego byafashije u Rwanda kubona itike ya CHAN 2020
Mashami yakoresheje imyitozo ya mbere nyuma yo guhabwa amasezerano y'umwaka umwe
Nshimiyimana Amran asimbuka ngo afate umupira Imanishimwe yari ahereje Rutanga
Rutanga afashe Nsabimana Eric wari witeze ko agiye guherezwa umupira
Akanyamuneza kari kose mu ikipe y'Igihugu ku munsi wa mbere
Imanishimwe Emmanuel yitegura gusama umupira yari aherejwe
Bizimana Yannick aseka, ubwo yiteguraga gutanga umupira n'amaboko
Nsabimana Eric 'Zidane' afashe umupira mu ntoki yitegura kuwutanga
Niyonzima Ally yitegura gufunga umupira
Imanishimwe Emmanuel afunga umupira ubwo yari asatiriwe na Mutsinzi Ange
Mutsinzi Ange atwara umupira Mangwende
Iyabivuze Osée wa Police FC ni umwe mu bakinnyi bahagaze neza muri iyi minsi
Nshimiyimana Amran ateresha umupira umutwe nyuma yo gusimbuka
Iradukunda Eric Radu acenga Mico Justin
Kimenyi Yves atera umupira imbere
Manishimwe Djabel mu myitozo yabaye kuri uyu wa Mbere

Amafoto: Umurerwa Delphin


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .