00:00:00 IGIHE NETWORK KN KINYARWANDA EN ENGLISH FR FRANCAIS

Akanyamuneza k’ab’i Rubavu bujurijwe Gare nshya y’icyitegererezo (Amafoto)

Yanditswe na Akayezu Jean de Dieu
Kuya 6 Mutarama 2023 saa 11:58
Yasuwe :

Bamwe mu baturage bo mu Karere ka Rubavu n’abahagenda bishimiye guhabwa Gare nshya ijyanye n’icyerekezo bari bamaze igihe kinini bategereje. Yubatswe mu Mudugudu wa Nyakabungo, Akagari ka Bugoyi mu Murenge wa Gisenyi.

Ahubatswe Gare nshya ya Rubavu ni ahigeze gukoreshwa nka gare muri 2012 ariko iza kuhakurwa ijyanwa ku mupaka muto uzwi nka Petite Barrière aho Rubavu ihanira imbibe na Repubulika Iharanira Demukarasi ya Congo.

Kuri ubu gare nshya yuzuye i Nyakabungo ifite ubushobozi bwo kwakira imodoka 120 nini ziparitsemo icyarimwe. Yatangiye kubakwa nyuma y’amasezerano yo mu 2020, hagati y’ubuyobozi bwa Jali Investment Ltd n’Akarere ka Rubavu.

Icyiciro cya mbere cya Gare ya Rubavu cyamaze kuzura ndetse cyatangiye gukoreshwa. Biteganyijwe ko icya kabiri na cyo kizaba cyarangiye umwaka utaha. IGIHE yamenye ko kubaka ibyiciro bibiri izarangira itwaye abarirwa muri miliyari 7Frw.

Ni gare yubatse ifite ahantu hisanzuye abategereje imodoka bicara, amaduka akorerwamo ubucuruzi bw’ibyo kurya no kunywa n’ibindi bikenerwa n’abagenzi, ahantu ugize uburwayi butunguranye ashobora gushyirwa kugira ngo abanze yitabweho ahabwe ubutabazi bw’ibanze, ahakorera inzego za Polisi na RIB, ubwiherero bugezweho n’ibindi by’ibanze.

Abaturage bagaragaza ko ibikorwaremezo nk’ibi biba bije kubafasha mu guhindura isura y’Umujyi wa Rubavu no kuborohereza mu gukora ingendo kuko ari gare izajya yakira imodoka nyinshi.

Umuturage wo mu Murenge wa Gisenyi waganiriye na IGIHE yagize ati “Buriya ni iterambere, bizanadufasha kuko no kujya hariya hirya hari kure none hano bayitwegereje, bizatworohera. Uko ari hagari n’imodoka zizajya ziyongera zibe nyinshi.”

Umushoferi Kiziho Hakizimana yashimiye Umukuru w’Igihugu uba waratekereje abaturage b’i Rubavu akabubakira ibikorwaremezo bigezweho bibafasha kugira ngo bakore biteze imbere.

Nibura imodoka 80 za Ritco zishobora guparikira rimwe muri iyi Gare
Gare ya Rubavu irisanzuye cyane
Kizito Hakizimana yavuze ko nk'umushoferi yishimiye ko iyi Gare ije kugabanya umuvundo w'imodoka zihaparika
Rubavu iri mu bice by'igihugu bigendwa cyane
Uhageze ufite inyota na we abona amazi yo kunywa
Sosiyete zitwara abagenzi zatangiye kwakira abagenzi bashaka gukatisha amatike
Baravuga ko Gare nshya bubakiwe izabafasha mu ngendo bakora bava cyangw abajya i Rubavu
Imashini zigezweho nizo zifashishijwe mu kubaka gare nshya ya Rubavu
Kubaka gare ya Rubavu byarihutishijwe
Abakozi bakoraga amanywa n'ijoro ngo hubakwe iyi gare

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .