Mu mafoto: Agahinda ku bafana n’abakinnyi ba Rayon Sports i Nyamirambo n’ibyishimo kuri APR FC i Muhanga

Yanditswe na Eric Tony Ukurikiyimfura
Kuya 17 Gashyantare 2020 saa 10:30
Yasuwe :
0 0

Umunsi wa 20 wa Shampiyona wasojwe ku Cyumweru tariki ya 16 Gashyantare 2020, wasize APR FC ikomeje urugendo rwayo rwo kudatsindwa mu gihe mukeba wayo, Rayon Sports, yatsindiwe imbere y’abafana na Sunrise FC ibitego 2-0 i Nyamirambo.

APR FC yari yasubiye i Muhanga, aho yatakarije Igikombe cya Shampiyona y’umwaka ushize w’imikino ubwo yahatsindirwaga ibitego 2-1.

Kuri iyi nshuro, habaye itandukaniro kuko ibitego bya Byiringiro Lague ku munota wa 28 n’uwa 78, ari byo byabonetse mu mukino wari witabiriwe n’abatari bake, APR FC ikura amanota atatu i Muhanga.

Ikipe y’Ingabo, imwe rukumbi itaratsindwa muri uyu mwaka w’imikino, kuri ubu ni yo iyoboye shampiyona n’amanota 48, irusha amanota atanu Police FC ya kabiri, yo yatsinze Heroes FC ibitego 3-1 ku wa Gatandatu.

I Nyamirambo, Rayon Sports yatengushye abakunzi bayo batari bake bari baje kuyishyigikira, yongera gusuzugurwa na Sunrise FC yaherukaga kuyisuzugurira i Nyagatare mu mpera z’Ukwakira 2019.

Igitego cya Niyibizi Vedaste ku munota wa 13 n’icya Babuwa Samson ku wa 72, ni byo byatumye Rayon Sports itakaza umwanya wa kabiri muri Shampiyona, igumana amanota 41 ku mwanya wa gatatu.

Byari agahinda ku bafana ba Rayon Sports, aho bamwe bananiwe kwakira uburyo batsinzwemo, batangira gusohoka muri Stade guhera ku munota wa 75 nyuma yo gutsindwa igitego cya kabiri.

Ku bakinnyi bari ku ntebe y’abasimbura, nta wavugishaga undi kubera ibyaberaga mu kibuga mu gihe ubwo umukino wari urangiye, abarimo Rugwiro Hervé wari wahushije penaliti yashoboraga kugarura Rayon Sports mu mukino ku munota wa 20, babuze imbaraga zibakura mu kibuga, bakagobokwa na bagenzi babo babasindagije, babihanganisha.

Abakinnyi ba Sunrise FC babanje mu kibuga
Abakinnyi ba Rayon Sports babanje mu kibuga
Umusifuzi Ngabonziza Jean Paul aterera igiceri ubwo amakipe yombi yatomboraga ibibuga
Rutahizamu wa Sunrise FC, Babuwa Samson ahanganiye umupira na Rugwiro Hervé
Rugwiro ubwo yari amaze guhusha umupira wari uvuye muri koruneri ukarenga umunyezamu wa Sunrise FC
Bizimana Yannick wa Rayon Sports acenga Mushimiyimana Regis wa Sunrise FC
Myugariro wa Sunrise FC ukomoka muri Uganda, Ayubu Kyiza ashoreye umupira
Abasimbura n'abatoza ba Sunrise FC bishimira igitego cya mbere cyatsinzwe na Niyibizi Vedaste
Umunyezamu Nsabimana Jean De Dieu 'Shaulini' ashimira Imana nyuma y'uko ikipe yari ifunguye amazamu
Niyonzima Ally mu kirere, atera umupira n'umutwe nyuma yo gusumba Uwambazimana Léon
Rugwiro Hervé yitegura gutera penaliti yahawe Rayon Sports ku munota wa 20
Rugwiro ntiyiyumvishaga uburyo umunyezamu yakuyemo umupira wa penaliti yateye. Umusifuzi yahise yerekana ko ari koruneri
Umunyezamu Nsabimana Jean De Dieu 'Shaulini' ashimirwa na Mushimiyimana Regis nyuma yo gukuramo penaliti
Abafana ba Rayon Sports barimo n'abera baza kuri uyu mukino
Niyibizi Vedaste arwanira umupira wari hejuru hamwe na Niyonzima Ally
Umutoza wa Sunrise FC, Umugande Moses Basena atanga amabwiriza ku bakinnyi
Umunyezamu Nsabimana Jean De Dieu 'Shaulini' ashyira umupira ukomeye muri koruneri
Niyonzima Ally hagati ya Niyonshuti Gad na Uwambazimana Leon ba Sunrise FC
Abafana ba Rayon Sports b'abera bakiri bato, bafata ifoto
Kapiteni wa Sunrise FC, Uwambazimana Leon 'Kawunga' wanakinnye muri Rayon Sports, atera umupira
Abatoza n'abasimbura ba Sunrise FC bishimira igitego cya kabiri cyabonetse mu minota 18 ya nyuma
Iki gitego cyatsinzwe na Babuwa Samson, cyaciye intege cyane abakinnyi ba Rayon Sports
Umutoza wa Rayon Sports, Kirasa Alain yahise asa n'ubuze ukundi yahindura umukino
Umunyezamu wa kabiri wa Rayon Sports, Mazimpaka André, yageze aho ahaguruka na we atanga amabwiriza kuri bagenzi be
Bamwe mu bafana ba Rayon Sports bahise barekeraho gufana
Ku rundi ruhande, abafana ba Sunrise FC bo babyinaga bidasanzwe bafite akanyamuneza
Abafana bakiri bato ba Rayon Sports babuze imbaraga zo gukomeza gufana nyuma yo gutsindwa ibitego bibiri
Abafana ba Rayon Sports batangiye gusohoka ku munota wa 75
Sugira Ernest winjiye asimbura mu gice cya kabiri, atera umupira n'umutwe nyuma yo gusumba Ndayisenga Jean D'Amour
Bizimana Yannick arwanira umupira na Mushimiyimana Regis wa Sunrise FC
Abafana ba Rayon Sports basohoka ku bwinshi mbere y'uko umukino urangira
Abakinnyi ba Sunrise FC bari ku ntebe, ntibashakaga ko hari igitego cyakwinjira mu izamu ryabo
Abasimbura ba Rayon Sports bari bumiwe
Bizimana Yannick yicaye mu kibuga ubwo umukino wari urangiye
Mugisha Gilbert wakinnye iminota 30 ya nyuma y'uyu mukino, na we yananiwe kwakira uburyo batsinzwemo
Niyonzima Ally na Kayumba Soter bahagurutsa Rugwiro Hervé wahushije penaliti muri uyu mukino
Kapiteni wa Rayon Sports, Rutanga yipfutse umupira mu maso ubwo yerekezaga mu rwambariro
Umutoza Alain Kirasa yegera Hervé Rugwiro ngo amuhumurize

I Muhanga: Byari ibyishimo kuri APR FC n’abakunzi bayo

Abakinnyi ba APR FC babanje mu kibuga
Ababanjemo ku ruhande rwa AS Muhanga
Umukino wayobowe na Twagirumukiza Abdul Karim
Umufana wa APR FC ahagaze hejuru y'urukuta rukikije Stade ya Muhanga yigize nk'ushinzwe umutekano
Umutoza wa AS Muhanga, Mbarushimana Abdu atanga amabwiriza ku bakinnyi be
Usengimana Danny yitegura gufunga umupira ubwo yari asatiriwe na myugariro wa AS Muhanga
Niyongira Danny wa AS Muhanga ateranwa umupira na Mutsinzi Ange wamusumbye
Ruboneka Jean Bosco atwara umupira Bukuru Christophe
Ndayishimiye Dieudonné akura umupira ku kirenge cya Byiringiro Lague
Byiringiro Lague yinjirana ba myugariro ba AS Muhanga mu rubuga rw'amahina
Umunyezamu Nduwimana Pascal ntiyashoboye gukuramo umupira watewe na Byiringiro Lague ku munota wa 28
Byiringiro Lague yishimira igitego cya mbere cya APR FC
Abakinnyi ba APR FC bishimira iki gitego cyabonetse mu gice cya mbere
Byiringiro Lague ashimira abafana nyuma yo gufungura amazamu
Umukinnyi wa AS Muhanga ajyanwa ku ngobyi nyuma yo kuvunika
APR FC yatanze ibyishimo ku bafana bayo barabisangira
Byiringiro Lague atsinda igitego cya kabiri cya APR FC
Byiringiro yishimira igitego cyashimangiye intsinzi ku munota wa 78
Bamwe mu bafana ba APR FC bari biyoberanyije mu mabara y'ikipe yabo
Umukino wari witabiriwe n'abafana batari bake ahadatwikiriye
Hari abatari bake barebeye umukino hanze ya Stade (ahishyuzwa)
Abasifuzi baherekejwe n'abashinzwe umutekano ubwo umukino wari urangiye
Hassan Hassan Haj Taieb ufasha abanyezamu ba APR FC ashimira Manzi Thierry nyuma y'umukino
Mutsinzi Ange wakiniye AS Muhanga mbere yo kwerekeza i Kigali aganira na Ndayishimiye Dieudonne ubwo umukino wari urangiye

Amafoto: Umurerwa Delphin & Uwihanganye Hardi


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza