Ku wa Gatatu, tariki ya 27 Ugushyingo 2024, ni bwo iyi kipe ikinamo umunyarwanda Imanishimwe Emmanuel ‘Mangwende’ yatangaje ko yatandukanye na Coleman ku bwumvikane bw’impande zombi.

AEL Limassol ibinyujije mu itangazo yagize iti “Turashimira umutoza Coleman ku gihe twamaranye, tunamwifuriza amahirwe mu buzima bwe.”

Coleman yasize iyi kipe ku mwanya wa munani n’amanota 13, aho mu mikino 11 yakinnye muri Shampiyona yatsinze ine gusa.

Iyi kipe izasubira mu kibuga ku wa Gatanu, tariki ya 30 Ugushyingo 2024 yasuye Paralimni iri ku mwanya wa 12.

Umutoza Chris Coleman yatandukanye na AEL Limassol nyuma yo gutsinda imikino ine muri 11

Imanishimwe Emmanuel ‘Mangwende’ yageze muri iyi kipe muri uyu mwaka w'imikimo

AEL Limassol yatsinze imikino ine muri 11 imaze gukina muri Shampiyona