Mu gitondo cyo kuri uyu wa Mbere, tariki ya 24 Gashyantare 2025, ni bwo hamenyekanye amakuru ko uwari umukinnnyi wa ruhago yamaze kwitaba Imana azize impanuka ya moto.

Uyu mugabo ubwo yari kuri moto mu muhanda werekeza Entebbe, yakoze impanuka yahitanye ubuzima bwe nk’uko byanditswe n’ibitangazamakuru byo muri Uganda.

Lawal w’imyaka 29 yakiniraga Vipers mu kibuga hagati nk’umwe mu bafasha ba rutahizamu, ariko umukino uheruka wahuje ikipe ye na Mbarara City bagatsinda ibitego 2-0 ntabwo yawukinnye kuko yari ku ntebe y’abasimbura.

Uyu mukinnyi yatangiye gukina ahereye muri Wikki Tourists y’iwabo muri Nigeria, ayivamo ajya muri Nasarawa United, mbere yo kugera mu Rwanda aho yasinyiye AS Kigali mu 2020, ayivamo mu 2022 ajya muri Vipers.

Abubakar Lawal yabaye rutahizamu wa AS Kigali

Umunya-Nigeria Abubakar Lawal yitabye Imana ku myaka 29

Lawal ni umwe mu bafashije AS Kigali hagati ya 2020 na 2022

Abubakar Lawal ari kumwe na Perezida wa AS Kigali bateruye Igikombe cya Super Cup Ikipe y'Umujyi wa Kigali yatwaye mu 2022

Abubakar Lawal yitabye Imana yakiniraga Vipers yo muri Uganda

Abubakar yazize impanuka ya moto

Mu 2022, ni bwo Abubakar Lawal yasinyiye Vipers

Ubwo Abubakar Lawal yerekanwaga nk'umukinnyi wa Vipers avuye mu Rwanda muri AS Kigali