00:00:00 IGIHE NETWORK KN KINYARWANDA EN ENGLISH FR FRANCAIS

Aboubakar Djibrine mu biganiro bya nyuma na AS Kigali

Yanditswe na Byiringiro Osée Elvis
Kuya 4 Mutarama 2023 saa 02:28
Yasuwe :

Umunya-Nigeria Aboubakar Djibrine Akuki ukinira Mukura VS ashobora kwerekeza muri AS Kigali mbere y’itangira ry’imikino yo kwishyura ya Shampiyona.

Amakuru IGIHE yamenye ni uko uyu musore w’inkingi ya mwamba hagati mu kibuga muri Mukura VS, avuga ko ibiganiro bye na AS Kigali biri mu nzira nziza ndetse agomba kuyerekezamo muri iri soko ryo muri Mutarama.

Djibrine usigaranye amezi atandatu mu masezerano ye na Mukura VS, azwiho gukina akura imupira inyuma ayishyira ba rutahizamu ndetse akananyuzamo agatsinda ibitego.

Ikipe y’Umujyi wa Kigali yifuza kumusimbuza Niyonzima Haruna wakoraga ako kazi ugomba kwerekeza muri Al Ta’awon SC yo muri Libya.

Aya makipe yombi yasubukuye imyitozo kuri uyu wa Gatatu, tariki ya 4 Mutarama, yitegura imikino yo kwishyura ya Shampiyona iteganyijwe gutangira ku wa 20 Mutarama 2023.

AS Kigali yasoje imikino ibanza ya Shampiyona iri ku mwanya wa mbere n’amanota 30, mu gihe Mukura VS iri ku mwanya wa gatandatu n’amanota 23.

Aboubakar Djibrine ashobora kwerekeza muri AS Kigali

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .