Abanyamuryango ba FERWAFA bagiye gushyikirizwa inkunga y’ibiribwa

Yanditswe na Eric Tony Ukurikiyimfura
Kuya 29 Nzeri 2020 saa 06:10
Yasuwe :
0 0

Ishyirahamwe ry’Umupira w’Amaguru mu Rwanda (FERWAFA) rigiye gutanga ibiribwa ku banyamuryango baryo mu rwego rwo kubafasha guhangana n’ingaruka z’icyorezo cya Coronavirus cyibasiye Isi.

Amakipe menshi mu Rwanda yagowe no guhembera igihe abakozi bayo muri ibi bihe bya Coronavirus ndetse bamwe mu bakinnyi bataka ubukene.

Mu ntangiriro za Kamena nibwo FERWAFA yandikiye abanyamuryango bayo bose ibamenyesha ko hari inkunga y’ibiribwa yemerewe n’umufatanyabikorwa wayo, bityo hagomba kuba inama yiga uburyo yazagabanywa.

Ku wa Kane tariki ya 1 Ukwakira 2020 nibwo iyi nkunga izashyikirizwa abo yagenewe, igikorwa kizabera ku cyicaro cya FERWAFA i Remera.

FERWAFA igizwe n’abanyamuryango 54 barimo amakipe y’umupira w’amaguru mu Cyiciro cya Mbere n’icya Kabiri mu bagabo n’abagore, ishyirahamwe ry’abasifuzi n’iry’abatoza, ihuriro ry’amarerero y’abana n’abandi.

Mu isuzuma ryakozwe na Minisiteri ya Siporo muri ibi bihe bya COVID-19, yasanze abakinnyi basaga 2000 baragowe no kubona ibyo kurya.

Amakipe n’abandi banyamuryango ba FERWAFA bagiye basaranganywa amafaranga yatanzwe na FIFA ndetse na CAF muri ibi bihe bya Coronavirus.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .