Abandi bakinnyi umunani ba Rayon Sports basanganywe COVID-19

Yanditswe na Eric Tony Ukurikiyimfura
Kuya 8 Ukuboza 2020 saa 02:21
Yasuwe :
0 0

Ibipimo biheruka gufatwa abakinnyi ba Rayon Sports byagaragaje ko hari abandi umunani banduye COVID-19 bituma iyi kipe igeza 12.

Ku wa Gatanu, ubwo Rayon Sports yari imaze gukina na Rutsiro FC zikanganya igitego 1-1, hari abakinnyi bane basanganywe COVID-19.

Iyi kipe yahise ishyirwa mu kato guhera uwo munsi ndetse ntiyakinnye umukino wari kuyihuza na Bugesera FC ku wa Mbere kuko hari abakinnyi bagaragazaga ibimenyetso.

Amakuru IGIHE yamenye ni uko abandi bakinnyi umunani basanganywe COVID-19 ndetse bajyanywe i Nyamata mu kato kuri uyu wa Kabiri.

Kugeza ubu, Rayon Sports ifite abakinnyi 12 bamaze kwandura COVID-19 ndetse uyu munsi harongera gufatwa ibindi bipimo ku basigaye.

Nubwo Rutsiro FC yakinnye na Rayon Sports ku wa Gatanu, imaze iminsi mu kato, nta murwayi wa COVID-19 iravugwamo.

Kugeza magingo aya kandi, ntacyo inzego zibishinzwe zirimo amakipe cyangwa FERWAFA ziratangaza kuri iki cyorezo kivugwa mu makipe.

FERWAFA iherutse kongera gusaba amakipe kujya ayitangariza ibyavuye mu bipimo bya COVID-19 byafashwe abakinnyi, bigashyikirizwa komiseri w’umukino.

Mu mategeko mashya yatangajwe na FERWAFA mbere y’uko Shampiyona ya 2020/21 itangira ku wa Gatanu, harimo ko ikipe igomba kuba ifite abakinnyi 16 barimo n’umunyezamu kugira ngo yemererwe kwitabira umukino.

Rayon Sports ikomeje kuvugwamo abakinnyi benshi banduye COVID-19

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .