00:00:00 IGIHE NETWORK KN KINYARWANDA EN ENGLISH FR FRANCAIS

Abakinnyi batanu ba Rayon Sports bategetswe gusubiza ibikoresho by’ikipe

Yanditswe na Habimana Sadi
Kuya 24 Kamena 2021 saa 11:52
Yasuwe :
0 0

Mu gihe habura umukino umwe wa shampiyona ngo isozwe ku makipe umunani ahataniye igikombe cya shampiyona, bamwe mu bakinnyi ba Rayon Sports FC basabwe kubanza gusubiza ibikoresho by’ikipe mbere y’isozwa rya shampiyona.

Ku wa Gatanu tariki ya 25 Kamena 2021, nibwo hateganyijwe umukino wa nyuma wa shampiyona mu makipe umunani ari guhatanira igikombe cya shampiyona.

Gusa mbere yo gukina uyu mukino, abakinnyi batunu barimo Nshimiyimana Amran, Mugisha Gilbert, Iradukunda Axel, Mujyanama Fidèle na Ishimwe Blaise, bose basabwe gutanga ibikoresho by’ikipe.

Umwe muri aba bakinnyi yemereye IGIHE ko ari ukuri koko ko ubuyobozi bw’ikipe bwabasabye kubisubiza kubera ko bari mu batazakina kandi ari umukino wa nyuma wa shampiyona.

Ati “Ubundi ni ikipe yose igomba kubisubiza nyuma y’umukino wo ku wa Gatanu. Ni uko twe tutazakina bitewe n’uko bamwe muri twe barwaye abandi bakaba bafite amakarita y’umuhondo ataberemerera gukina uyu mukino.”

Ubusanzwe iyo umwaka w’imikino urangiye, hari amakipe amwe ahitamo kurekera imwe mu myambaro abakinnyi bayo baba barakoresheje muri uwo mwaka w’imikino uba urangiye. Gusa ntabwo zirenga ikipe eshatu muri 16 zikina mu cyiciro cya mbere.

Rayon Sports FC izasoza shampiyona ku wa 25 Kamena 2021

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .