Ibi ni bimwe mu bikubiye mu ibaruwa abakinnyi bose b’iyi kipe bashyize hamwe, banditse ku wa Kane, tariki ya 15 Gicurasi 2025, batakambira ubuyobozi ngo bubishyure.
Ibaruwa igaragaramo ko abakinnyi bandikiye ubuyobozi inshuro nyinshi ariko bukirengagiza ubusabe bwabo, ariko kuri iyi nshuro bakaba batanze igihe “kitarenze iminsi cumi n’itanu, bitaba ibyo tukiyambaza izindi nzego bireba.”
Ikipe ya Rayon Sports ibereyemo abakinnyi ba Rayon Sports WFC imishahara ya Gashyantare, Werurwe ndetse na Mata 2025. Iyi ikiyongeraho uduhimbazamusyi tw’imikino igera kuri itandatu.
Abakinnyi b’abanyamahanga ba Rayon Sports WFC, bo bagaragaza ko batangiye gusohorwa mu nzu bacumbitsemo, nyamara bagakwiriye kuba barahawe amatike abasubiza iwabo.
Rayon Sports WFC ni yo yegukanye Igikombe cya Shampiyona y’Abagore cya 2024/25, mu gihe mu Gikombe cy’Amahoro yatsindiwe ku mukino wa nyuma.
TANGA IGITEKEREZO
AMATEGEKO AGENGA IYANDIKA RY'IGITEKEREZO CYAWE
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni, Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe. Ibi bidakurikijwe igitekerezo cyanyu gishobora kutagaragara hano cyangwa kigasibwa.
Igitekerezo cyawe kigaragara nyuma y'isuzuma rikorwa na IGIHE.com , Murakoze!