00:00:00 IGIHE NETWORK KN KINYARWANDA EN ENGLISH FR FRANCAIS

Abakinnyi ba APR FC bunamiye inzirakarengane za Jenoside yakorewe Abatutsi

Yanditswe na Mihigo Saddam
Kuya 19 April 2022 saa 01:48
Yasuwe :

APR FC yasuye urwibutso rwa Jenoside yakorewe Abatutsi rwa Kigali ku Gisozi, yunamira inzirakarengane ziruruhukiyemo.

Ni igikorwa cyabaye ku gicamunsi cy’uyu wa Mbere nyuma y’amasaha 24 ifashe umwanya wa mbere muri shampiyona itsinze Bugesera igitego 1-0.

Nyuma ya Rayon Sports yasuye urwibutso rwa Jenoside ruri mu Murenge wa
Ntarama mu Karere ka Bugesera na Bugesera yabikoze, APR FC
yabaye ikipe ya gatatu.

Abakinnyi bayo bari kumwe n’Umunyamabanga wa APR FC, Michel Masabo; ushinzwe ibikorwa by’ikipe (Team Manager), Lt Colonel Guillaume Rutayisire.

Hari kandi umubitsi wayo Kalisa Géorgine, ushinzwe igura n’igurishwa ry’abakinnyi, Mupenzi Eto’o hamwe na Emile Kalinda na Mike Lagalette basanzwe ari abakunzi b’iyi kipe.

Basobanuriwe amateka yagejeje u Rwanda kuri Jenoside yakorewe Abatutsi n’ubukana yakoranywe.

Nyuma abakinnyi bazengurutse urwibutso rwa Jenoside rwa Kigali, bunamira ndetse banashyira indabo ku mva rusange ishyinguyemo imibiri y’abazize Jenoside yakorewe Abatutsi mu 1994.

Umunyezamu wa APR FC, Ahishakiye Hertier imbere y'abandi bakinnyi ba APR FC afite ururabo
Myugariro Buregeya Prince imbere ya bagenzi be afite indabo
Kwitonda Alain Bacca (Ibumoso) na Nsengiyumva Irshad bagera ubwo bari bageze ku rwibutso
Abatoza ba APR FC bashyira indabo ku mva
Abakinnyi ba APR FC bashyira indabo ku mva ishyinguyemo abazize Jenoside
Manishimwe Djabel asoma amateka yanditse mu rwibutso
APR FC yabaye ikipe ya gatatu isuye urwibutso muri iyi minsi ijana hibukwa ku nshuro ya 28 Jenoside yakorewe Abatutsi mu Rwanda mu 1994
Abakinnyi ba APR FC basobanuriwe amateka u Rwanda rwanyuzemo
Ruboneka Bosco asoma amateka ya Jenoside
Ruboneka Bosco asoma amateka ya Jenoside
Myugariro Niyomugabo Claude asoma amateka yaranze u Rwanda mu 1994
Ushinzwe amakuru ya APR FC, Tony Kabanda n'Umunyanabanga Mukuru wa APR FC, Michel Masabo
Umunyamabanga wa APR FC, Michel Masabo, asinya mu gitabo cy'abasura urwibutso rwa Gisozi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .