Abakinnyi 22 APR FC ijyana muri Kenya

Yanditswe na Eric Tony Ukurikiyimfura
Kuya 2 Ukuboza 2020 saa 02:58
Yasuwe :
0 0

APR FC irahagurukana i Kigali abakinnyi 22 yerekeza i Nairobi muri Kenya kuri uyu wa Gatatu, aho igiye gukina umukino wo kwishyura w’ijonjora ribanza rya CAF Champions League izahuramo na Gor Mahia ku wa Gatandatu.

Ikipe y’Ingabo yatsinze ibitego 2-1 mu mukino ubanza wabereye kuri Stade ya Kigali i Nyamirambo mu mpera z’icyumweru gishize.

Niyonzima Olivier ‘Seif’ ni we wafunguye amazamu ku munota wa 10 w’umukino, igitego cyishyuwe na Kenneth Muguna ku wa 28, ariko Andrew Juma yitsinda icya kabiri ku munota wa 61.

APR FC irahaguruka ku Kibuga Mpuzamahanga cy’Indege cya Kigali i Kanombe saa Moya n’iminota 15 ku mugoroba.

Umukino izakirwamo na Gor Mahia uzabera kuri Nyayo Stadium ku wa Gatandatu, aho uzaba mu muhezo nk’uko byagenze i Kigali mu rwego rwo kwirinda ikwirakwira rya COVID-19.

Abakinnyi 22 barimo 17 bakoreshejwe ku mukino wabaye mu cyumweru gishize ni bo umutoza Adil Mohammed Erradi yongeye kwitabaza.

Ikipe izakomeza hagati ya APR FC na Gor Mahia FC, izahura n’izaba yakomeje hagati ya CR Belouizdad yo muri Algérie na El Nasr yo muri Libya, mu ijonjora rya kabiri ribanziriza amatsinda ya Champions League.

Mu mpera z’icyumweru gishize, CR Belouizdad yatsinze El Nasr ibitego 2-0 mu mukino ubanza wabereye muri Algérie.

Abakinnyi APR FC ijyana muri Kenya:

Abanyezamu: Rwabugiri Umar na Ahishakiye Hertier.

Ba myugariro: Mutsinzi Ange, Manzi Thierry, Imanishimwe Emmanuel, Omborenga Fitina, Rwabuhihi Aimé Placide, Niyomugabo Claude, Ndayishimiye Dieudonné na Buregeya Prince.

Abakina hagati: Niyonzima Olivier Seif, Mushimiyimana Mohammed, Ruboneka Jean Bosco, Itangishaka Blaise, Bukuru Christophe na Nsanzimfura Keddy.

Ba rutahizamu: Danny Usengimana, Byiringiro Lague, Tuyisenge Jacques, Manishimwe Djabel, Mugunga Yves na Bizimana Yannick

Abandi bajyana n’ikipe ni: Adil Mohammed Erradi (umutoza mukuru), Pablo Morchón (umutoza wungirije), Haj Taieb Hassan na Mugabo Alex (umutoza w’abanyezamu), Dr Capt Nahayo Ernest, Capt Jacques Twagirayezu (umuganga), Mupenzi Eto (Umunyamabanga w’Umusigire), Kazungu Claver (Umuvugizi), Ntare Julius (ushinzwe amashusho), Habumugisha Ernest na Nshimiyimana Steven (abashinzwe ibikoresho), Kalisa Bruno na Nkurunziza Emmanuel (abanyamakuru).

APR FC irerekeza muri Kenya kuri uyu wa Gatatu ifite abakinnyi 22

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .