Iyi mikino iteganyijwe tariki 23 na 25 Werurwe 2024. Ni ku nshuro ya mbere Ikipe y’Ingabo igiye kwitabira iri rushanwa riri gukinwa ku nshuro ya kane.
Hashize amezi asaga ane iyi kipe itangiye kwitegura iyi mikino aho uretse shampiyona iri gukina, ikubutse no muri Qatar mu mwiherero w’iminsi icumi yakinnyemo imikino itanu n’amakipe atatu.
Al Ittihad Alexandria ni imwe mu makipe y’ubukombe mu Misiri kuko ifite ibikombe 13 bya shampiyona, iheruka igikombe cyo mu 2020.
Biteganyijwe ko mu mpera z’uku kwezi, Ikipe y’Ingabo izongera gukina imikino ya gicuti na Bangui SC yo muri Centrafrique. By’umwihariko iyi kipe nayo izakina BAL ku nshuro ya mbere.
Ni ku nshuro ya mbere APR BBC igiye kwitabira iri rushanwa rihuza amakipe yabaye aya mbere iwayo, rigiye gukinwa ku nshuro ya kane.
Ikipe y’Ingabo iri mu gace ka Sahara Conference kazakinira muri Sénégal kuva tariki ya 4 kugeza 12 Gicurasi 2024, aho kugira ngo ibone itike y’imikino ya ¼ izabera mu Rwanda muri BK Arena, bizasaba ko iba mu makipe abiri ya mbere mu itsinda irimo hamwe na AS Douanes yo muri Sénégal, US Monastir yo muri Tunisia na Rivers Hoopers yo muri Nigeria.
