U Rwanda ruri mu bihugu bitanu byasubiye inyuma cyane ku rutonde rwa FIBA

Yanditswe na Eric Tony Ukurikiyimfura
Kuya 9 Ukuboza 2020 saa 08:46
Yasuwe :
0 0

Urutonde ngarukamwaka rwashyizwe hanze n’Ishyirahamwe Mpuzamahanga ry’Umukino wa Basketball (FIBA) rugaragaza ko u Rwanda rwasubiye inyuma imyanya ine, rukaba urwa 95 ku Isi.

U Rwanda rwagize amanota 98.3 ku mwanya wa 95 ku Isi, ruri ku mwanya wa 13 muri Afurika.

Ikipe y’Igihugu ya Basketball y’Abagabo iheruka gutsindwa imikino itatu yakinnye mu itsinda D ryo gushaka itike ya Afrobasket 2021, aho yari mu itsinda rimwe na Mali, Nigeria na Sudani y’Epfo.

FIBA yaragagaje ko u Rwanda ruri mu bihugu bitanu byatakaje imyanya myinshi (ine) kurusha ibindi, runganya na Kazakhstan na Tahiti mu gihe Palestine na Mozambique byasubiye inyuma imyanya itatu.

Ibihugu byazamutse imyanya myinshi biyobowe na Sudani y’Epfo yungutse imyanya icyenda, Kenya yungutse irindwi, Centrafrique yazamutse itanu inganya na Repubulika Iharanira Demokarasi ya Congo mu gihe Uganda yo, yazamutse imyanya ine.

Nigeria ya 22 ku Isi, ni yo iyoboye urutonde rwa Afurika, ikurikiwe na Angola, Tunisie, Sénégal na Côte d’Ivoire mu myanya itanu ya mbere.

Repubulika Iharanira Demokarasi ya Congo iri ku mwanya wa 11 muri Afurika n’uwa 84 ku Isi, Uganda ikaba iya 15 muri Afurika n’iya 97 ku Isi mu gihe Kenya ari iya 115 ku Isi, ikaba ku mwanya wa 20 muri Afurika nyuma yo kuzamuka imyanya irindwi.

U Burundi ni ubwa 126 ku Isi n’ubwa 23 muri Afurika mu gihe Tanzania ari iya 160 ku Isi, n’iya 36 muri Afurika.

Nta mpinduka zabaye mu bihugu bitanu bya mbere ku Isi biyobowe na Leta Zunze Ubumwe za Amerika, Espagne, Australia, Argentine na Serbia.

Ikipe y'u Rwanda ya Basketball yasubiye inyuma imyanya ine ku rutonde rwa FIBA

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .