00:00:00 IGIHE NETWORK KN KINYARWANDA EN ENGLISH FR FRANCAIS

Phoenix Suns na Phoenix Mercury zigiye guca agahigo ko kugurwa miliyari 4$

Yanditswe na IGIHE
Kuya 21 Ukuboza 2022 saa 05:44
Yasuwe :

Phoenix Suns ikina muri Shampiyona ya Basketball muri Amerika (NBA) na Mercury ikina muri WNBA zigiye kugurwa n’umuherwe Mat Ishbia kuri miliyari 4$ ataragurwa indi kipe muri icyo cyiciro.

Ishbia usanzwe ari Umuyobozi wa United Wholesale Mortgag, yamaze kumvikana na Robert Sarver ugiye kugurisha aya makipe nyuma yo guhagarikwa azira irondaruhu no kwibasira abagore.

Yagize ati “Amakipe yombi afite abafana benshi kandi bayakunda. Nakunze uburyo bakunda ikipe zabo nanjye mbijyamo.”

Nta yindi kipe iragurwa agera kuri miliyari 4$ (miliyari 3,3£) muri NBA kuko igishoro cya Ishbia muri Suns na Mercury yo muri WNBA kingana na miliyari 4$, arusha miliyari 3,3$ Joe Tsai yashyize kuri Brookyln Nets na Barclays Center mu 2019.

Mat Ishbia yakinnye Basketball yiga muri Kaminuza ya Michigan ariko ntiyari umukinnyi wifashishwa cyane ubwo ikipe yari muri NCAA Championship itozwa na Tom Izzo mu myaka ya 2000.

Agaruka kuri ibi, yagize ati “Basketball ni kimwe mu bigize ubuzima bwanjye, kuva mu mashuri yisumbuye nakiniraga Umutoza Izzo kandi twatwaye igikombe ku rwego rw’igihugu ndi muri Michigan State University.”

Kuza muri siporo kwa Ishbia byakiriwe neza n’abarimo umunyabihwi wa NBA, Magic Johnson, wakiniye Michigan State ariko mu gihe gitandukanye n’icye.

Johnson yagiriye andi makipe 29 yo muri NBA inama yo kwitonda kuko Mat ari umugabo ukunda gutsinda.

Mat Ishbia agiye kugura amakipe ya Phoenix Suns na Phoenix Mercury
Phoenix Suns iri mu makipe akomeye muri NBA
Phoenix Mercury ikina muri Shampiyona y'Abagore ya WNBA

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .