Ni umukino wari witezwe bikomeye kuko Ikipe y’Ingabo yasabwaga gutsinda ikiyongerera amahirwe yo kwegukana igikombe, mu gihe Patriots BBC yashakaga kugabanya ikinyuranyo.

Umukino watangiye wegeranye cyane, amakipe yombi atsindana ndetse agace ka mbere karangiye anganya amanota 14-14.

Mu gace ka kabiri, umukino wakomeje muri uwo mujyo kuko mu minota itanu yako ya mbere nta kipe yari yagatsinze amanota atanu.

Amanota yakomeje kuba make, byatumaga umukino utaryoha. Ikipe y’Ingabo yatsinze amanota atandatu gusa muri aka gace, mu gihe Patriots yabonyemo 10.

Igice cya mbere cyarangiye Patriots BBC iyoboye umukino n’amanota 24 kuri 20 ya APR BBC.

Patriots yasubiranye imbaraga mu gace ka gatatu, Stephaun Branch na Frank Kamdoh bayitsindira amanota menshi.

Muri aka gace, umukino washyushye nyuma y’aho amakipe awufunguriye. Patriots yagatsinzemo 24 kuri 20 y’Ikipe y’Ingabo.

Muri rusange, agace ka gatatu karangiye Patriots ikomeje kuyobora umukino n’amanota 48 kuri 40 ya APR BBC.

Mu gace ka nyuma, Patriots yakomeje gukina neza izamura ikinyuranyo kigera mu manota 15 (57-42).

Mu minota itatu ya nyuma, Ikipe y’Ingabo yongeye gutsinda cyane ibifashijwemo na Axel Mpoyo na Aliou Diarra, bagerageza kugabanya ikinyuranyo.

Umukino warangiye Patriots yatsinze APR BBC amanota 61-49 bityo amakipe yombi anganya intsinzi ebyiri.

Stephaun Branch wa Patriots ni we watsinze amanota menshi (16), akora ’rebounds’ 14 ndetse anatanga imipira itanu yavuyemo amanota kuri bagenzi be.

Umukino wa gatanu uteganyijwe ku wa Gatanu, tariki 20 Nzeri 2024, muri BK Arena.

Bush Wamukota na Frank Kamdoh bahanganiye umupira utangiza umukino

Minisitiri wa Siporo, Nyirishema Richard, ni umwe mu bitabiriye uyu mukino

Ndizeye Dieudonné ntiyarebaga neza ubwo bari bamukoze mu jisho

Ubwitabire bwari hejuru nk'ibisanzwe

Aliou Diarra ahanganye na Frank Kamdoh

Bush Wamukota yishimira amanota atatu yari amaze gutsinda

Aliou Diarra ahanganye na Frank Kamdoh

Gacinya Chance Denis wayoboye Rayon Sports (wambaye ishati y'umweru) ni umwe mu bitabiriye uyu mukino

Bush Wmaukota ahanganye na Branch

Aliou Diarra yishimira uko umukino uri kugenda

Nshobozwabyosenumukiza agerageza gucika William Perry

Isaiah Miller ahanganye na Frank na Hagumintwari Steve

Shema Osborn agerageza gutsinda

Ntore Habimana agerageza gutsinda ubwo yari ahanganye na Ndizeye

Abantu b'ingeri zose baba babukereye bashaka kureba uyu mukino

Coach Gaël ni umwe mu bitabiriye uyu mukino

Adonis Filer ufite ikibazo cy'imvune aba ashyigikira bagenzi be hanze y'ikibuga

Ubwitabire bwari hejuru nk'ibisanzwe

Amafoto: Kwizera Hervé