Uyu mukino wabaye ku wa Gatatu, tariki 11 Nzeri 2024 muri BK Arena yarimo abafana benshi.

Wari witezwe cyane kuko uretse gutangira guhatanira igikombe ahubwo n’ihangana ry’aya makipe rimaze kuzamuka cyane.

Uyu mukino watangiye wegeranye cyane byatumaga amanota aba make. Stephaun Branch na Axel Mpoyo batsindiraga amakipe yombi.

Agace ka mbere karangiye, Patriots BBC iyoboye umukino n’amanota 21 kuri 15 ya APR BBC.

Patriots BBC yatangiye agace ka kabiri yongera ikinyuranyo, Hagumintwari Steve na Ndizeye Dieudonné batangira gutsinda cyane.

Ku rundi ruhande, Mpoyo na Aliou Diarra bagize amakosa atatu kare bituma bakina iminota mike. Aka gace Patriots yagatsinze ku manota 31 kuri 13 ya APR.

Ni mu gihe, igice cya Mbere cyarangiye, Patriots BBC iyoboye umukino n’amanota 52 kuri 28 ya APR BBC.

Mu gace ka gatatu, Ikipe y’Ingabo yikubise agashyi itangira kugabanya ikinyuranyo ibifashijwemo na Ntore Habimana na Isaiah Miller.

Aka gace, iyi kipe yagatsinze ku manota 22 kuri 16 ya Patriots. Icyakora Patriots yari ikiyoboye n’amanota 68 kuri 50.

Ibi byatumye agace ka nyuma karyoha kuko APR BBC yazamuye icyizere ikomeza kugabanya ikinyuranyo.

Ikipe y’Ingabo yakomeje gushyiramo imbaraga ari nako igabanya ikinyuranyo, ariko umukino urangira Patriots BBC iyitsinze amanota 83-71 yegukana intsinzi ya mbere mu mikino ya nyuma ya kamarampaka.

Stephaun Branch wa Patriots yatsinze amanota 26 muri uyu mukino, mu gihe Isaiah Miller na Aliou Diarra batsinze 19 ku ruhande rwa APR BBC.

Umukino wa kabiri, uteganyijwe ku wa Gatanu, tariki 13 Nzeri 2024 saa 19:00 muri BK Arena.

Abakinnyi APR yakoresheje kuri uyu mukino

Abakinnyi Patriots yakoresheje kuri uyu mukino

Basketball ni umwe mu mikino isigaye yitabirwa n'igitsina gore cyane

Isaiah Miller agerageza gutsinda mu gihe ahanganye na Hagumuntwari Steve

Aliou Diarra yakoze amakosa menshi muri uyu mukino

William Perry ahanganiye umupira na Nshobozwabyosenumukiza

Basketball ni umwe mu mikino isigaye yitabirwa n'igitsina gore cyane

Umuyobozi w'Akarere ka Bugesera, Mutabazi Richard ni umwe mu batashya basiba imikino ya Basketball

Abafana bagendanaga n'umukino

Abafana bari benshi muri BK Arena

Stephaun Branch atsinda dunk

Ndizeye Dieudonné atsinda dunk

Stephaun Branch yatsinze amanota 26 muri uyu mukino

Umutoza wa APR BBC, James Edwards ntiyemeranyaga n'umusifuzi Ruhamiriza Jean Sauveur

Umusizi Bahali Ruth yarebye uyu mukino

Hagumintwari Steve ahanganye na Miller

Ndizeye Dieudonné yatsinze amanota 20 muri uyu mukino

Chris Ruta abuza Perry gutsinda

Miller asobanurira bagenzi uburyo bw'imikinire

Branch ahanganye na Shema Osbron

Umutoza wa Patriots BBC, Henry Mwinuka abwira abari ku ntebe y'abasimbura gutuza

Prince Ibeh yujuje amakosa atatu asohorwa mu kibuga

Wari umukino urimo ihangana rikomeye

Axel Mpoyo atsinda amanota atatu, abanje gucenga Ibeh

Amafoto: Kwizera Hervé