Uyu mukino wari witabiriwe ku bwinshi, wabereye muri BK Arena mu ijoro ryo ku Cyumweru, tariki ya 20 Mata 2025.

Patriots BBC yagiye kuwukina idahabwa amahirwe kuko yaherukaga gutsindwa imikino ibiri yikurikiranya. Ni mu gihe, Ikipe y’Ingabo yo yari hejuru kuko yari imaze imikino 15 idatsindwa.

Patriots BBC yatangiye umukino neza cyane, itsinda amanota menshi ibifashijwemo na Frank Kamdoh. Agace ka mbere karangiye iyoboye n’amanota 26 kuri 18.

Agace ka kabiri ko kari kegeranye cyane kuko amakipe yombi yatsindanaga, bityo yombi agatsindamo amanota 12. Igice cya mbere cyarangiye Patriots BBC iyoboye umukino n’amanota 38 kuri 30 ya APR BBC.

Ikipe y’Ingabo yavuye kuruhuka yiminjiriyemo agafu, abakinnyi bayo nka Aliou Diarra na Axel Mpoyo bayitsindira amanota menshi. Yagerageje kugabanya ikinyuranyo ariko Patriots ntibyemere.

Aka gace yagatsinze ku manota 18-16 ariko Patriots BBC ikomeza kuyobora umukino na 54-48.

Mu gace ka nyuma, umukino wakomeje kuryoha no guhangana cyane ari na ko Cole Elliott atsindira amanota menshi Patriots BBC. Umukino warangiye, Patriots BBC ihagaritse APR BBC iyitsinda amanota 71-62.

Undi mukino wabanjirije uyu, na wo wari injyanamuntu kuko wasabye iminota y’inyongera, urangira bigoranye cyane, UGB yatsinze Tigers BBC amanota 100-94.

Abakinnyi Patriots yitabaje kuri uyu mukino

Abakinnyi APR BBC yakoresheje kuri uyu mukino

Umusifuzi Leslie Cherubin atangiza umukino

Ntore Habiman ahanganye na Ronald Nato

Cole Elliott azamukana umupira

Cole yagoye APR BBC cyane

Abafana bagendana n'umukino

Frank Kamdoh agerageza gutsinda

Abafana bari benshi muri BK Arena

William Robynes atanga umupira

Frank acika Shema na Mukama

Wari umukino w'imbaraga

Uyu mwana aba afana Patriots BBC bikomeye

Hagumintwari Steve ahanganye na Axel Mpoyo

Ntore Habimana azamukana umupira

Ntore ntiyabyumvaga kimwe n'umusifuzi Samuel Ikirezi Ngaju

Umusifuzi Leslie Cherubin agaragaza ikipe ikina umupira

Nshobozwabyosenumukiza ahanganye na Cole Eliott

Abafana ba Patriots bari bitwaje ibyapa byo kuyishyigikira

Cole Elliot yishimira intsinzi

Abafana bishimira intsinzi ikomeye ikipe yabo yabonye

Abakinnyi basuhuzanya nyuma y'umukino

Cole na Kamilindi Olivierbishimira intsinzi

Abakinnyi ba Patriots bishimira guhagarika APR BBC

Amafoto: Kwizera Hervé