San Antonio Spurs akinira yatangaje ko uyu mukinnyi yagize ikibazo cyo kwipfundika kw’amaraso mu kuboko kw’iburyo bityo umwaka usanzwe w’imikino (regular season) uzarangira mu mpera za Mata atarasubira mu kibuga.

Ni igihombo gikomeye kuri iyi kipe kuko Wembanyama yari amaze iminsi yitwara neza. Mu mikino 46 yakinnye uyu mwaka, yabarirwaga gutsinda amanota 24, gutanga imipira 3.7 no gukora ‘rebound’ 11 muri buri mukino.

Wembanyama kandi niwe uyoboye abandi mu gukora ‘block’ nyinshi uyu mwaka, zingana na 176. Icyakora iyi mvune yatumye atazabona amahirwe yo gutoranywa mu ikipe y’abugarira neza kuko atazabasha gukina byibura imikino 65 isabwa.

Uyu mukinnyi ashobora kuzasubira mu kibuga mu Mikino ya Kamarampaka gusa amahirwe ni make kuko Spurs akinira iri ku mwanya 12 ishobora kutazabona itike.

Wembanyama yagize imvune ku rutugu rw'iburyo, yatumye atazongera gukina muri uyu mwaka w'imikino

Wembanyama ayoboye abandi mu gukora block nyinshi

Wambanyama yari amaze iminsi yitwara neza