00:00:00 IGIHE NETWORK KN KINYARWANDA EN ENGLISH FR FRANCAIS

NBA Playoffs: Golden State Warriors yoroheje imibare yayo itsinda umukino wa gatatu

Yanditswe na Mihigo Saddam
Kuya 23 May 2022 saa 12:53
Yasuwe :

Golden State Warriors yatsinze umukino wa gatatu itsinda Dallas Mavericks amanota 109-100 mu mukino wakinwe mu rukerera rw’uyu wa Mbere.

Golden State Warriors ibifashijwemo na Stephen Curry, yatsinze umukino wayo wa gatatu amanota 109-100 (25-22, 23-25, 30-21, 31-32).

Muri uyu mukino, Stephen Curry yatsindiye Golden State Warriors amanota 31 mu minota 39 yakinnye mu gihe mugenzi we Andrew Wiggins yatsinze amanota 27.

Abandi bakinnyi ba Golden State Warriors bazamuye amanota ni Draymond Green watsinze amanota icumi (10). Klay Thompson yatsinze amanota 19.

Jordan Poole yatsinze amanota icumi mu gihe Kevon Looney yatsinze amanota icyenda mu minota 29 yamaze mu kibuga.

Ku ruhande rwa Dallas Mavericks, Luka Dončić yatsinze amanota 40 anaba umukinnyi watsinze amanota menshi mu mukino rusange.

Jalen Brunson yatsinze amanota 20, Spencer Dinwiddie yatsinze amanota 26 mu minota 32 yakinnye.

Umukino wa kane hagati ya Golden State Warriors na Dallas Mavericks uzakinwa kuwa Gatatu tariki 25 Werurwe 2022 saa cyenda z’urucyerera.

Mu gihe Golden State Warriors irasabwa gutsinda umukino wa kane igahita ibona itike yo kuzinjira mu mikino ihuza ibyerecyezo byombi.

Mu gice cy’uburasirazuba, Boston Celtics iri inyuma ya Miami Heat iyoboye n’itsinzi ebyiri 2-1 mu gihe umukino ukinwa kuri uyu wa Kabiri saa munani n’igice z’urucyerera.

Golden State Warriors irabura intsinzi imwe gusa mu mikino ine isigaje gukina na Dallas
Stephen Curry yari yabanje mu kibuga bitandukanye n'uko byagenze mu mukino uheruka
Draymond Jamal Green Sr yatsinze amanota 10 ku ruhande Golden State Warriors
Golden State Warriors ntabwo iratsindwa mu mikino imaze guhuramo na Dallas
Dallas Mavericks irasabwa gutsinda imikino ine yikurikiranya
Dorian Finney-Smith yatsindiye Dallas amanota icyenda
Maximilian Kleber na Jalen Marquis Brunson bari bategerejweho igisubizo ntibyabahira

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .