00:00:00 IGIHE NETWORK KN KINYARWANDA EN ENGLISH FR FRANCAIS

NBA: Dallas Mavericks yatangiye neza imikino ya nyuma

Yanditswe na Byiringiro Osée Elvis
Kuya 23 May 2024 saa 09:03
Yasuwe :

Dallas Mavericks yatsinze Minnesota Timberwolves amanota 108-105 mu mukino wa mbere mu ya nyuma ya kamarampaka mu gice cy’iburengerazuba muri Shampiyona ya Basketball muri Leta Zunze Ubumwe za Amerika (NBA).

Iyi kipe yari mu rugo yatangiye umukino neza itsinda amanota menshi ibifashijwemo na Jaden McDaniels.

Ku rundi ruhande, Luka Dončić ntiyoroheraga iyi kipe cyane ko nawe yatsindaga cyane. Igice cya mbere cyarangiye Minnesota Timberwolves iyoboye umukino n’amanota 62 kuri 59 ya Dallas Mavericks.

Mavericks yavuye kuruhuka yiminjiriyemo agafu, Kyrie Irving akorera mu ngata Dončić batangira gutsinda cyane gusa ikinyuranyo ntabwo cyari kinini kuko Karl-Anthony Towns nawe yatsindiraga ikipe ye.

Mu gace ka nyuma, umukino wakomeje kwegerana cyane amakipe asimburana mu kuyobora umukino ari nako abarimo Towns na Anthony Edwards bigaragaza.

Habura iminota ibiri ngo umukino ngo urangire, Timberwolves yatakaje umupira, Dončić awuzamukana yihuta awutanga kwa Paul Jamaine Washington Jr atsinda amanota atatu yafashije Mavericks kuyobora umukino (104-102).

Umukino warangiye Dallas Mavericks yatsinze Minnesota Timberwolves amanota 108-105 yegukana intsinzi y’umukino wa mbere mu ya nyuma mu gice cy’iburengerazuba.

Umukino wa kabiri uteganyijwe, ku wa Gatandatu, tariki 25 Gicurasi 2024.

Mu gice cy’iburasirazuba, iyi mikino iri guhuza Boston Celtics na Indiana Pacers, Celtics ikaba yaratsinze umukino wa mbere. Uwa kabiri uteganyijwe mu rukerera rwo ku wa Gatanu, tariki 24 Gicurasi 2024.

Anthony Edwards agerageza gutsinda amanota atatu
Kyrie Irving yatsinze amanota 30 muri uyu mukino
Karl-Anthony Towns ni umwe mu bagize umukino mwiza
Wari umukino uryiheye ijisho

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .