Umukino wa Celtics na Pacers wari witezwe cyane kuko amakipe yombi yaherukaga guhurira muri ½ cy’Imikino ya Kamarampaka, ubwo Celtics yegukanaga Igikombe cya Shampiyona.

Celtics ikomeje kugira umusaruro uvanze ndetse yatangiye gushijwa n’abakunzi bayo kudahozaho cyane ko umwaka ushize yari ikipe nziza cyane.

Oklahoma City Thunder yatsinze Memphis Grizzlies amanota 130-106 ikomeza kugaragaza ko ari kipe yo kwitondera uyu mwaka kuko wabaye umukino wa 11 yatsinze yikurikiranya.

Minnesota Timberwolves yatsinze San Antonio Spurs amanota 112-100, ubu umukino wa gatatu wikurikiranya itsinze.

Atlanta Hawks nayo yitwaye neza itsinda Toronto Raptors amanota 136-107 iba intsinzi ya gatatu yabonye yikurikiranya. Iyi kipe kandi yahise ifata umwanya wa gatatu mu burasirazuba.

Iyi mikino izakomeza mu rukerera rwo ku wa kabiri, aho Golden State Warriors izakina na Cleveland Cavaliers, Utah Jazz ikine na Denver Nuggets, mu gihe Chicago Bulls izasura Hornets.

Indiana Pacers yitwaye neza imbere ya Celtics

Tyrese Haliburton agerageza gutsinda

Oklahoma City Thunder imaze imikino 11 itsinda yikurikiranya

Anthony Edwards ahanganye na Victor Wembanyama