Mugwiza Désiré yatorewe kuyobora FERWABA ku nshuro ya gatatu

Yanditswe na Eric Tony Ukurikiyimfura
Kuya 12 Ukuboza 2020 saa 12:20
Yasuwe :
0 0

Mugwiza Désiré wari umukandida rukumbi ku mwanya wa Perezida w’Ishyirahamwe Nyarwanda ry’Umukino wa Basketball (FERWABA) ni we wongeye kugirirwa icyizere cyo kuyobora imyaka ine iri mbere.

Kuri uyu wa 12 Ukuboza ni bwo habaye amatora ya Komite Nyobozi nshya ya FERWABA kuri Onomo Hotel mu Mujyi wa Kigali.

Mugwiza Désiré umaze imyaka umunani ayobora FERWABA, yongeye kugirirwa icyizere atorwa 100% ku majwi 24 y’abitabiriye amatora.

Nyuma yo gutorwa, Mugwiza yavuze ko we na komite ye biteguye gukomeza gukorera abanyamuryango babagiriye icyizere.

Ati “Abatowe ndabizeza ubufatanye, ariko n’abatatowe ni izindi mbaraga tubonye zizadufasha mu muryango wacu. Imyaka ine iri imbere ni urugamba rukomeye kuko abanyamuryango badutegerejeho ibyo twabasezeranyije.”

Ku mwanya wa Visi Perezida wa mbere ushinzwe umutungo, hongeye gutorwa Mugwaneza Pascale uwusanzweho, aho yatsinze ku majwi 20 kuri 24, naho Kayitesi Eugénie bari bahanganye agira amajwi ane.

Nyirishema Richard yongeye kuba Visi Perezida wa kabiri ushinzwe amarushanwa ku majwi 23/24, impafubusa iba imwe mu gihe Muhongerwa Alice yongeye kugirirwa icyizere cyo kuba Umubitsi ku majwi 22 kuri 24, impfabusa ziba ebyiri.

Munana Aimé wari umukandida rukumbi ku mwanya w’Umujyanama mu mategeko yatowe ku majwi 24/24 mu gihe ku mwanya w’Umujyanama mu bya tekinike hatsinze Habimana Claudette wagize amajwi 18 naho Kirenga Danny yagize amajwi atandatu.

Mugwiza Désiré yongeye gutorerwa kuyobora FERWABA mu myaka ine iri imbere

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .