Ni umukino witabiriwe bikomeye cyane kuko BK Arena yari yuzuye ndetse by’umwihariko Perezida Paul Kagame na Madamu Jeannette Kagame ni bamwe mu bawukurikiye.

U Rwanda ruherereye mu itsinda rya gatatu, rumaze gutsinda imikino ibiri rumaze gukina, aho rwahereye kuri Liban rugakurikizaho Argentine.

U Rwanda rwayoboye umukino rwahuyemo na Argentine kuva utangiye kugeza urangiye, aho abarimo Murekatete Bella, Destiney Philoxy na Ineza Sifa bongeye kwigaragaza cyane.

Umukino wa nyuma mu itsinda, uteganyijwe ku wa Kane, tariki 22 Kanama, aho u Rwanda rukina na Grande-Britagne.

Muri iyi nkuru tugiye kugaruka ku bihe by’ingenzi byaranze umukino w’u Rwanda na Argentine mu mafoto 50.

Amakipe yombi aririmba indirimbo zubahiriza ibihugu

Umukino watangiye saa Mbiri z'ijoro zuzuye

Perezida Paul Kagame na Madamu Jeannette Kagame bishimira intsinzi

Philoxy azamukana umupira

Abafana bagendanaga n'umukino

Kantore Sandra ahanganye n'abakinnyi ba Argentine

Basketball ni umwe mu mikino igitsina gire kitabira kurusha indi mu Rwanda

Aba bafana bayoboye na Maxime baba bafaba bikomeye

Amashusho n'amafoto y'urwibutso aba afatwa ku bwinshi

Murekatete Bella atsinda lancer franc

Umuryango wa Ange Kagame wakurikiye uyu mukino

Umuhanzikazi Bwiza yasusurukije abitabiriye uyu mukino

Ineza Sifa agerageza gutsinda amanota abiri

Kantore Sandra agerageza gutsinda

Ineza Sifa ni umwe mu bakinnyi bazwiho gutsinda amanota atatu menshi

Aya makipe ari guhatanira itike ijya mu Gikombe cy'Isi kizabera mu Budage 2026

Bamwe mu bafana baba basize amarangi

Abakinnyi b'u Rwanda bishimira intsinzi

Abafana bari buzuye BK Arena

Rwampundu Meshack wahoze akina Basketball aba yagiye gushyigikira bagenzi be

Butera Hope agerageza gutsinda amanota

Murekatete ahanganiye umupira na Diana Cabrera

Ineza Sifa ahanganye na Diana Cabrera

Perezida Paul Kagame na Madamu Jeannette Kagame bari kumwe na Minisitiri mushya wa Siporo, Nyirishema Richard na Perezida wa FERWABA, Mugwiza Désiré

Ibihugu umunani nibyo byitabiriye iri rushanwa rikomeje kubera muri BK Arena

Hampton Keisha ni umwe mu bakinnyi u Rwanda rugenderaho

Destiney Philoxy agerageza gutsinda