Mu manota 33 Paul George wa Clippers yatsinze muri uyu mukino, 26 yayatsinze mu gice cya kabiri mu gihe Kawhi Leonard na we yatsinze andi 26.

Ni ku nshuro ya kabiri yikurikiranya LA Clippers yatsinze Lakers mu mukino ufungura Shampiyona ya Basketball muri Leta Zunze Ubumwe za Amerika (NBA).

Mbere y’uyu mukino, Lakers yahawe impeta igenerwa ikipe yatwaye igikombe cya NBA, iriho inzoka ya mamba inyuma ya nimero z’abakinnyi mu rwego rwo guha icyubahiro Kobe Bryant waguye mu mpanuka ya kajugujugu muri Mutarama.

Hejuru y’iyi mpeta hariho nimero umunani na 24 zambarwaga na Bryant, ariko zikaba zitazongerwa kwambarwa muri Lakers.

LeBron James ni we watsinze amanota menshi ku ruhande rwa Lakers yari yakiriye umukino muri Staples Centre yambaye ubusa kubera COVID-19, yinjiza amanota 22 mu nkangara.

Mu wundi mukino wabaye, Kevin Durant yafashije Brookyln Nets gutsinda Golden State Warriors amanota 125-99, atsindamo 22.

Durant umaze kwegukana NBA inshuro ebyiri, yagiye muri Nets mu mpeshyi ya 2019 ku masezerano y’imyaka ine afite agaciro ka miliyoni 164$, avuye muri Warriors nubwo atakinnye umwaka ushize w’imikino kubera imvune.

Stephen Curry yatsinze amanota 20, anatanga indi mipira 10 yavuyemo amanota kuri bagenzi be bakinana muri Golden State Warriors.

Ishusho ya Staples Center ubwo hatangwaga impeta za NBA kuri Lakers

LeBron James, Anthony Davis na Quinn Cook bareba bimwe mu byaranze umwaka ushize w'imikino ubwo hatangwaga impeta za NBA

Perezida wa Los Angeles Lakers, Jeanie Buss, yashimiye uburyo bitwaye mu mwaka ushize

Umuyobozi wa NBA, Adam Silver, yitabiriye ibi birori

LeBron James yerekana impeta abakinnyi ba Lakers bahawe

Serge Ibaka yitegura gushyira umupira mu nkangara

Serge Ibaka azibira Anthony Davis wa Lakers

Kyle Kuzma wa Los Angeles Lakers agerageza gucenga Kawhi Leonard

LeBron James hagati ya Luke Kennard, Paul George na Lou Williams

Kawhi Leonard yigaragaje muri uyu mukino

Ivica Zubac akura umupira ku nkangara

Dennis Schroder yitegura gushyira umupira mu nkangara

Umuyobozi wa NBA, Adam Silver, yitabiriye ibi birori